Techo fayyimmate gafinkera afalete coomi dhibbanna ganshu vaayrese abbitanno gawajjo la`neemmo. Dancha niwaawe.
Afalete cooma yinannihu afalete giddo nooha ikkanni, coomunnihu bikkisi xibbunni 5-10 anga geeshsha ikkitanno afalete kifile amadirooti.
Afalenke bisinke kifile giddonni laayinki jawiidi kifile ikkitanni, saga`lineemmohanna inteemmoha hattono hiikkonneno mannimmankera horo aannokkiha mundeenke giddonni haayishshe hoolanno; Konnira afalete aana noo coomi konne loososi loosannokki gede qarra kalaqara dandaanno.
Afalete coomi konneeti yinanniha dhibbu malaate leellisha hoogara dandaanno.
Afalete coomi kalaqamanno gara
* Duucha yannara afalete coomi kalaqamannohu bikkunni aleenni alkoole no agatto agganno mannooti aanaati. Xaa geeshsha alkoolete agatto aggannoikki mannooti aana kalaqamanno coomi nooha ikkirono kaimisi maatiro di-buunxoonni. Ikkollana:-
* Bikkunni aleenni kee`ma
* Luphi yiino coomi mundeete giddo kalaqama
* Sukkaarete dhibba
Xagisi`nanni xagga mito widoonni abbitanno gawajjo (Aspiriine, teetira saykiliinete) xagga widoonni ikkara dandaanno.
Shoolu gari Afalete coomi daanno.
Alkoolte agatto agatenni kalaqamanno cooma
Kuni afalete coomi alkooltete agattonni ledo amadame kalaqamanno dhibbi umi malaate ikkara dandaanno.
Lowo gede alkoole aga afalete aana gawajjo
abbitanno; kunino afalete aana coomu kuusamanno gede assanno. Konnira, alkoolete agatto aguratenni afalete coomi diigamanno gede assa dandiinanni,
Alkooliweello kalaqamanno afalete cooma
Kuni xibbuunni tonne anga ikkitanno mannooti aana kalaqamannoha ikanna, afalenke keeraancho yannara cooma daaqisa hoogganno woyte kuusamanno coomi korkaatinniti.
Alkooli-weello kalaqamanno Isteeto
heptaatesi
Afalete aana Coomu bikki lowo gede lexxiro afale darshitanno gede assanno; Kuni dhibbi afalete looso lowo gede qarrisannoho yaate. Konni ledo amadaminohunni kalaqamannohu malaatu no. Sagalete hasatto aja, tushshiisha, looqqi assa, godowu dhibbi maciishamme, bisu baqqala ikkate.
Godowii Noo amara kalaqamanno cooma.
Afalete coomi heeshsho gawajjote aana tuganno cooma ikkino daafira 6-9 agani geeshsha noo yannara kalaqamannorichooti. Konnira, looqi assanna tushshiisha, qiniiti godowi widoonni dhibbu macciishama, bisu baqqala ikkanna daafuru maciishshammeeti.
Afalete coomira reqecci assitanno korkaatubba maati? Bikkunni aleenni ikkitino kee`ma, Sukaarete dhibba, alkoolte agatto ganyine aga, godowinni hee`ra, luphi yitino kolistiroole hee`rate.
Afalete cooma hiitoonni xaginsanni?
Konneeti yinannihu xagichono ikko darre gonbe xagisate qarrisannoricho ikkinohura afalete cooma hee`nanni heeshsho biddi assatenni xagisa dandiinannita fayyimmate ogeeyye kultanno.
Kurino:-alkoolete agatto ganyine aga agura, kolistiroolete bikka gargadha, kee`mille ajishanna sukkaarete lexxonni qorophate.
BakkalchoMaaja 29 / 2013
