Mayigiriine kaajjado umu damuumeeti. Tenne kaajjado umu damuume Mayigiriine yine woshshinanni. Hiittoonni gargadhinanni yaannoha ogeeyye wortino hedo garinni:-
- Ga’labbi yitino base doodha
Qooxeessaho caabbichu hee’rannokki gede assanna dandaamiro goxa. Iibbado woyi qiidado waa laastikete worre umunna goowu aana wodha amaallanni. Togo yaa kayinni qiidadu qiissatenni damuume macciishshantannokki gede assanna iibbadu kayinni umunna goowu mikitta tidhantanno hede assanno. Xisso macciishshantanno bayicho shotunni cuukkira, goowanna qote cuukkira, biso iibbino waayinni hayishshira hasiissanno.
- Ikkado fooliishsho assi’ra
Uurrinshunniti goxanote yanna heedhara hasiisanno. Duuchanka woyte labbanno yannanni goxate rosicho bowirsira hasiisanno. Barrunni goxa rosiisi’noonniha ikkiro 20-30 xiqqeessi geeshsha calla amaallanni. Konni aleenni gonxiha ikkiro hashshi goxano yanna soorrantara dandiitanno; goxano daa hoogguro meessaneete gadachinshe maxaafa nabbawatenni meessaneeto daafursa danchate.
Saga’linanni hayyo taashshirano hasiissanno. Chokkoleeta, Burbuxxo, Bunanna dimbissanno agatto labbinore deama dihasiissanno. Mayigreene woyi kaajjado umu damuume kayissanno sagalla adha agurano amaallanni.
- Mannimmate guunte loosa
Mannimmate guunte loosa (Mayigireene kaajjado) umu damuume ajishshanno; ikkollana xagisaano amaa’latenni shota millimmo (lawishshaho; waa daaha, lekkate harinsho labbinore) assa dandiinanni.
- Yaaddo ajisha
Yaaddo Mayigreene woyi kaajjado umu damuume ajishshanno. Barru barrunku heeshshonni xaaddannonkere yaachishshanno coyubba gargadha hoongirono aleenni worroonnire gumulatenni xisso ajishi’ra dandiinanni.
Bakkalcho Ammajje 7, 2016 M.D
