Qiddist Gezaheny
Addis Abeba:- Gobbate deerrinni leeltanno deama sayki dani koroonu taraawo dambala shota gede sa’’ate mitiimma ikkitannota Ekka Kotebe Hospitaale qaru loosu harisaanchi Dr. Yaareed Aggidew xawisino. Dr. Yaareed Aggidew Addis Zemeni Gaazeexira xawisino garinni; Koroonu fayya sa’u Onkoleessunna Ella agannara ajate akati leellino. Xa kayinni dhibbu taraawo galagalte hala’litanni afantanno.
Babbaxxitino gobbuwara Delta yinanni Vayrese korkaatinni Koroonu fayya Sayki Dambali kalaqamasi egensiisinohu Dr. Yaareedi; tenne yannara xagisi’raanote kiiro lexxase Saykihu dhibbu dambali kalaqamara dandaannota leellishshannota ikkiturono wo’munni wo’ma dhibbu kalaqamino yaate di dandiisanno yino.
Dagoomu Koroonu dhibba hiitto asse gargadha noosiro di afino yaa di dandiinanni yinohu Dokter Yaareedi, togo yinanni woyte dagoomunniwa leeltanno deama kalaqamate yaaddo leellishanni nooha Saykiha koroonu taraawo shota gede sa’’ate dandiisanokkiha ikkinota coyi’rino.
Delta Vayrese mannuwiinni mannaho taraawate dhukinnino ikko shaatenni konni albiriwiinni roortannota ikkase coyi’rannohu dr. Yaareedi; dagoomu deama agure umosi tenne lubbo huntanno vayresenni agadha hasiissannosita huwachishinno.
Ekka Kotebe xaphoomu Hospitaale quuxxote xissamaano goli koroonu xissamaanonni wo’masinni kainohunni 100 ikkitannori Oksijiine hasidhanno xagisiraano hospitaalete giddo afamansanna kuri mereerinni 25 ikkitannori luphiima harunso giddo afantannota xawisino.
Hospitaale 600 ali daallasa afidhinota coyi’rannohu Dokter Yaareedi; sau Lame lamala kawa hospitaale dagganno quuxxote xissamaano xagisi’raano kiiro lexxitanni dagginota qummi assino.
Sai Ellanna Onkoleessu aganira nooti Koroonu taraawo anjenni kalaqantino injoonni , sai Mittu dirira fooliishsho nookkiha loossanni keeshshitino ogeeyye fooliishshidhanno gede assasenni aleenni babbaxxino qajeelshanna buqqeete qixxaawo assinanni keeshshinoonnita qummi assino. Xagisaano ogeeyyera kaynni Kittiwaate afidhanno gede assa dhibbunni amadamate kaayyo ajishshinota xawisino.
Xaggate shiqisho aana sai Mittu dirira hasiissanno xagga bandoonniha ikkanna Itophiyu xaggate shiqishaancho uurrinshanna gattinota beehaanotenni wonshinanni xaginsanni keeshshinoonnita dokter Yaareedi egensiisino.
BakkalchoMaaja 29 / 2013
