Mitto ragaanni calla hayishshi’ra hanafa
Rooru manni duucha woyte hinko fiqiiqira hananfeemmohu mitte basenniiti. Tini kayinni rosantino sorooti. Duucha woyte mittu darginni burushenke kayinse hayishshi’ra hananfe gurcho raga iillineemmo woyte daafursannonke daafira garunni hayishshi’nummokkinni ganteemmo. Hinko garunni hayishshi’rate barru barrunkunni babbaxxino raginni hayishshira hananfeemmo gede hinkote xagisaano amaaltanno. Konni garinni hinkote baalanka raga taalo hayishshi’rate kaayyo heedhanno.
– Ikkadu garinni hayishshi’ra hooga
Xaphoomuni afuu giddinna hinkote fayyimmara hinkonke barrunni shiimunni lamenna sase hinge hayishshi’ra hasiissanno. Soodo goxanotenni ka’nironna hashsha gonxara albaanni hayishshi’ra hasiissanno. ledoteno sagale intihu gedensaanni hayishshi’ra hasiissanno. togo assa hinkonke co’eessiratenna afuu PH taashshatenni hattono hinko co’onna fayyo ikkitanno gede assate kaa’litanonke. Hinkonke 2 xiqqeessira hayishshira hasiissanno. konnirano hinkonke balanxe shoolewa beenko; aliidi qiniite, aliidi gura; eeliidi qiniite, eeliidi gura. hakkiinnino mitto mittonka gola 30 xiqqeessa hayishshi’nanni keeshshino.
– Marro amrro hinko hayishshira
Kowiicho wodanchitine nabbabbinara qaagiissineemmo. Mitu mitu manni qorophote batinyinni ikko wolu korkaatinni hinkonsa hige hige seeda yanna adhe hayishshi’ranno. Baxxinohunni gobbankera haqqu fiqiiqicho amaxxine barra wo’ma fiqiiqi’nanni honseemmo. Hinko barrunni sase ale hinge fiqiiqi’nanniha ikkiro hinko gawajjantanno;Kelleshshate rumushshi gawajjamanno. ‘INAMEL’ yinanniti hinkonke kifile gawajjantanno gede assanno.
– Gara ikkitinokkita hinkote burushe horonsira
Hinkote burushe addi addi geeshshinni dikkote shiqqino. Lowo mannooti hiikko bikkinni hidha hasiissannonsaro diaffino. Hinko garunni co’eessirate taalo ikkadobikka afidhinota hinkote burushe horonsira hasiissanno. konnirano burushete bikki jawa ikkiro afiinke hasiisannohu aleenni fa’namanno gede assitanno. Burushete bikki ajiro kayinni hinkonke garunni co’eessira didandiineemmo. Konni daafira hinkonkera ikkitannotanna taalo burushete bikka hidhine horonsira hasiissanno.
Addi addi bikka afidhinoti hinkote burushe noonte gede burushe loonsanni woyte addi addi burushete hinko heedhanno gede assine loonsanni. Suwashsho, qunqumado, shokkashsho hinko assine loonsara dandiinanni. Hinkote xagisaano kultanno garinni; angile noonsari hinkote burushsha doorantannota kultanno. Baalanta hinkote kifilla co’eessate dandiitanno.. Oofollonsa garinni ledote burushshate dananchi islanchimma lowo geeshsha qarunni hasiissanno. kaajjado hinkote burushsha horonsira dinonke; korkaatuno Inamel yinannita hinkote kifile gawajjitanno. Ledoteno gaangaaninke riffi yaannonna darshanno gede assitanno.
Bakkalcho Arfaasa 16, 2016 M.D
