Mundeete dani O:- Seeda diro afidhinotenna baalante safo ikkitino mundeete danaati. Luphiima pirootiinete sagale sufote waaxonni heedhinota, jawaatanna taaltino kalaqamu dhibba gargaranno amanyoote amaddinota ikkasenni sumuu yaannohano ikko diinase gawajjate badhera diyitanno. ‘’O’’ mundeete dani noosi manchi adhara dandaannohu umise ‘’O’’ calla ikkanna; baalante mundeete danira aa dandaanno.
Mundeete dani A:- Daramate gadachishanno korkaatinni darantino daramaano, baatto loosidhe galtino daga heeshshotenna saga’linanni hayyo rossinorinna, lowo geeshsha halamaanonna dagate kiiro batidhino qooxeessira hee’ra baxxanno. ‘’A’’ mundeete dani noonsa mannooti adha dandiitannohu ‘’O’’ na ‘’A’’ mundeete daninni ikkanna; aa dandiitannohu kayinni ‘’A’’ mundeete danira callaati.
Mundeete dani B :- Hiikkonne mundeete darga surte e’e hee’rate qarrantannokkire, haaro diilallote akata rosatenna dagate budinna heeshshote hayyo ledo sumuu yaate yanna adhannonsakkire, surretennino ikko kalaqamu gargarooshshi amanyooti aana leeltanno hasattorano ikko xiiwora taaltino dawaro uyitanno daafira kalaqamu xa’mannoha baalanka dawarate kalaqantinore labbanno. ‘’B’’ mundeete dani noosi manchi adha dandaannohu ‘’O’’ na ‘’B’’ mundeete daninni ikkanna; aa dandaannohu kayinni ‘’B’’ mundeete danira callaati.
Mundeet dana AB:- Cincaaleessunna sumuu yaanno mundeete daninni “A” na duuchanka coye rossinonna lowo geeshsha suwashsho mundeete dani “B” ni fultino shotunni gawajjantannotinna hibbo ikkino akata amadino mundeete danaati. Akaakkanke baxxitino ragge mitti mittinkera mundeete daninke giddo tugge sa’ino. Ragge seellaneke giddo e’e uurrinshunni heedhanno. Tenne seeelenke mudukki giddooti mannunna mundeete sayinsitte xiinxallo xaaddannohu. ‘’AB’’ mundeete dani noosi manchi baalunku mundeete daninni adha dandaannoha ikkanna aa dandaannohu ‘’AB’’ mndeete danira callaati.
Bue:- Dr Peter Jey D fayyimmate tiro,2000
Qiddist Gezzaheny
Bakkalcho Arfaasa 16, 2016 M.D
