‘Cerebral Palsy’ yaa millimmo assatenna huuro fushshate kaa’litanno mikitta gawajjanno dhibba ikkanna duucha woyte ooso ilantara albaanni surrete aana kalaqantanno gawajjooti. Surrete lopho laanfe noonsa mannooti egemmate qarri heeransaranna illensano mittu coyi aana calla illachishshanno yannara illete mikita aana qarru xaadansara dandaanno.
Kaimu maati?
surrete laanfe kalaqantannohu surrete lopho xe’nenni woyi soorramate korkaatinniiti. Duucha woyte surrete lopho qarri noonsa ooso ilamasara albaanni addi addi akatinni kaima dianfanni.
Surrete lopho qarrira reqecceessitara dandiitanno korkaatubba
– Keeraancho ikkitinokki lophowa massagganno jiinete soorro
– Lophote aana noo qaaqqi aana xiiwo kalaqqanno amate madi’ra
– Ilate murama
– Lophitanni noo surrera mundeete shiqisho uurrisa
– Godowu giddo surrete widira mundeete du’nama (Istirooke)
– Xexxerisu dano woyi uwate korkaatinni qaaqqu aana iillitanno umu gawajjo
– Wolqate shiqisho ledo amadaminohunni surrete giddo oksijiine hoogate malaatta
– Bikkaanchunna mikitate halamme hooga;
– Mikitate giddo noo badooshshe; kaajjadonna lowo geeshsha goshooshantinore ikka;
– Huxanonna hasi’noonnikki mannimmate millimmo;
– Suutu millimmo;
– Mannimmanniha mitto midaado doora, lawishshaho; mitte anganni horonsira woyi millinsanni yannara mitte lekka goshoosha;
– Lekkate qubbenni hodha;
– Bikku aleenni gororate woyi egemmate qarra;
– Agatenna itate qarra;
– Coyi’rate lopho giddo gede’nate woyi coyi’rate qarra;
– Rosate qarra;
– Mannimmate dandoo woyi uduunnicho kayisa labbinorinna dancha mannimmate dandoo aana qarru hee’ra;
– Hawwunaatu dhibba;
Xaginaatu
Surrete lopho qarri noonsa qaaqquullinna jajjabbu xaginaatu amadooshshi gaamo giddo seeda yanna amadooshshe hasidhanno. Gaamo addi addita xaginaatu ogeeyyenna surrete fayyimma ogeeyye hanqaffe amaddara dandiitanno. Kuri giddonni;
– Qaaqquullu xagisaano
– Nyogoorete xagisaano
– Fiiziyo teeraappe (Wogeeshsha)
– Ogimmate teeraappistooti
– Coyi’ratenna afuu ogeeyye
– Boohaarrete xaginaati afantanno.
Bakkalcho Bocaasa 27, 2016 M.D
