Babbaxxinohu fayyimmate akatinna hee’nanni hayyo wodanu xissora reqeccaawate akata leddara dandiitanno.
Kuri giddonni qarunni;-
– Luphiima mundeete xiiwo:- Luphiima mundeete xiiwo wodanu xissora reqecceessitannoha ikkanna gargarooshshe assi’ra hoongiro mulenna surre ledanna wodananna woloottano qara qara mannimmate kifile gawajjitara dandiitanno;
– Kolestiroolete bikki lexxa:- Mannimma horonsidhara dandiitannohu aleenni Kolestiroole heedhuro mundeete boombe gamira kuusantara dandiitannotanna kunninnino mannimmannita mundeete doyicho ajishshannota ogeeyye kultanno;
– Sukkaarete dhibbi:- Sukkaarete dhibbi mundeete giddo sukkaare kuusantanno gede assanno. Sukkaarete dhibbi noonsa mannooti wodanu dhibbinni reyaate kaayyonsa sukkaarete dhibbi noonsakki mannootinni aleenni ikkitinnota kullanni;
– Sigaara wiliishshanna sigaaru wiliilera reqeccaawa:- Sigaara wiliishsha wodananna mundeete nigga gawajjitanno. Kunino ‘Etiroskilerosis’ nna wodanu daafura labbino wodanu xissora reqeccaawate kaayyo leddanno;
– Bikku aleenni ikkino du’milli፡- mundeete xiiworanna sukkaarete xissora hattono wodanu xissora reqecceessanno;
– Ikkado mannimmate millimillo assa hooga;
– Dimbissanno agatto aga:- Bikku aleenni agatto aga mundeete xiiwo luphi assitaranna wodanu dhibbira reqecceessitara dandiitanno. Keeraancho heeshsho massagatenna wodanu dhibbinni meessaneeto agadhate aleenni xawinsi reqecceessitanno xissonni umo’ne agadhe.
kiddist Gezaheny
Bakkalcho Bocaasa 20, 2016 M.D
