lllete moola maati?

 Sayinsitte tironni ka’nummoro illete moola yaa hindiiddo garunni kalaqama hooga woy fultuhu gedensaanni gobbayidita illete kifile qufisse keeshsha hooganna konninni harunsite kalaqantanno illete injoote hoonge; la’’ate qarramanna gobbayiditi illete kifile madi’ra xaphi assite amaddanno illete xissooti.

Me’’u dani illete moola no?

Xaphooma lamu daniti illete moola nooha ikkanna;

1. Waa afidhinoti hindiiddote kifile hasiisanno bikkinni kalaqama hooganna

2. Illenke hasiisanno bikki aleenni foorara

Aleenni noo lamunku dani malaatta maati?

Illenke;

• Injoo hoogate, quqquxatenna giirate macciishshamme;

• Duu’ma;

• Guuqa;

• Xawaabba waajja;

• La’’ate aana co’imma hooganna daafura;

• Hasiisannohu aleenni ranke ranke ximbii’lanna wi’la;

• Gansho amadino du’namaanchi illenke qaccuwara hee’ra;

Korkaatta maa ikkitara dandiitanno?

• Babbaxxino korkaatinni hindiiddote muje aana iillitanno gawajjonni kalaqantanno

 hindiiddo aja;

• Hindiiddote muje hindiiddo sayissanno boombuwa cufama;

• Nervuwa hasiisanno garinni loosa hooga;

• Babbaxxitino xissora adhineemmo xagga;

• Hindiiddo diwate hosanno zayte lawanno kifilenni kalaqqanno mujja cufamanna kalaqqanno bikki aja;

• Illete diwani qarrinna liphi yaate bikki aja;

• Vayitaamin ‘A’ anje;

• Seeda yannara keeshshiishate kemikaale noonsa mujja;

 Kuri malaattanni ledote qooxeessu akati kaima ikkara dandaanno. lawishshaho;

• Seeda yannara nabbawanna kaameela oofa;

• Diilallaamunna shiima shamme amadino diilallote akati;

• Geedhimma;

• Sijaara wiliishsha woy wiliishshanno manchi qooxeessaho hee’ra… korkaatu gede kullannireeti.

Xaginaate mamoote adha hasiissanno?

Aleenni xawinsi malaatta heedhuro qooxeessaho afamanno illete xaginaati uurrinsha marre illete buuxo assi’ra hasiissanno.

Xaginaatu maati?

Illete moolara xaginaatu, xagisi’raanote dhibbu deerri garinni ikkanna xaphoomunni kayinni xaginaatu aantete noo coyibba xaphi asse amadanno.

• Xagisi’raano dhibbu akatinna assa hasiissanno qoropho daafira rosiisa

• Hindiiddote mujja hindiiddo burqissanno gede jawaachisha, riqiwanna keeshshiisha;

• Illete madi’ra gargaranna xagisi’ra;

• Illete diwani qarrubbara hasiisanno xaginaate aa; Xagisi’raano assa hasiissannonsa qoropho

• Adhinanni hee’noonnita hiittenne xagga illete xagisaanora leellisha;

• Sijaara wiliishshinanniha ikkiro wiliishsha agura;

• Kompiwuterenna bilbila horonsi’nanni yannara xawaabbu bikka ajisha;

• Nabbambanni yannara mule mulenni fooliishsho assi’ra;

• Nabbambanni yannara kompiwuterenna bilbila horonsi’nanni yannara ranke ranke ximbii’la hawa dihasiissanno;

• Qooxeessu moolanna diilallaamo ikkiro soorri’ra heda; leddanno coyibba gargadha

• Mininni gobbaanni millinsanni yannara maxanxire horonsi’ra;

• Illete co’ichimma agadha horontanni hawa dihasiissanno.

Bakkalcho  Birra 15, 2016 M.D