Vaaziliine /Petroleum jelly/ yiananni woshshineemmoti biinfille agarate ragaannino ikko haammata baxxitino horubba noose.
1. Maastiku qamireenna ba`inoti kaxxinanni baatto woy uduunne vaaziliine buuratenni kaysa dandiinanni.
2. Vaaziliine illete gaara kolishshiishatenna lossate hattono bati’ranno gede assate kaa`lanno. Konneno goxichoho ma’nara sa`neemmo woyte buudhanna soodo hayishshi’ra hasiissanno.
3. Illenke aana buudhinoommota biinfillu kuulla fiine hoo`late qarrammummoro vaaziliine buudhatenni fuuttunni woy co`itte hocconni fiyaatenni shotu garinni hoo`la dandiineemmo.
4. Bisonke biifado assate vaaziliine iibbinshe albinkera buudhatenni shaqqadonna co`icha assa dandiineemmo. Konneno assineemmohu goxanote ma`nara sa’’ankera albaanniiti.
5. Vaaziliine biiffino culunqa heedhannonke gedeno kaa`litannonke.
6. Shittote su`niilli bisinke aana seeda yanna keeshshanno gede hasi`nummoro hasi`noommo base aana vazliine buudhine shitto kiifira dancha soorro abbannonke.
7. Bisinke aaninni umo hoo`late wo`naalleemmo woyte shiffi yite kalaqantanno malaatta ajishate balanxe buudha hasiissanno.
Bakkalcho Wocawaaro 3, 2016 M.D
