1. Korkaatiweelo nabbabbe:- Nabbawate korkaata hasidhinoonte. Korkaatunni hananfoonni niwaawe korkaatunni murantannohura wole niwaawe hanafate korkaata hasidhanno.
2. Illacha tuggine nabbabbe:- Hiittenne yaachishshannota, huluullissannotanna hedo diiggara dandiitanno macciishshamme niwaawe’ne albinni hooltine nabbawa hanaffe. Niwaawe illachaho.
3. Huwatate ikkinnina gudate nabbambinoonte:- Huwatate nabbawanna gudate nabbawa co’ontanni babbaxxitanno. Mittu mittunku maxaafinni hawantannokki egennonna qaaggo wodhe.
4. Macciishshammetenni xeertidhe:- Maxaaffa maalunnita ikkitukkinni surrete Ispoorteeti. Konni daafira balaxxine maxaafu daafira noo’neha hi’naancho laooshshe hooltine korkaatunni nabbabbe.
5. Maxaaffa naqqassinoonte:- Diigganno naqqasa mannu tiia lowohunni gawajjitanno. Nabbabbinoonni maxaafi daafira danchu coyi leella hoogi’nero busha coye umi’newa gatisse; maxaafunniha 99 busha coye agurtine mitte danchumma mannaho beekke. Naqqassinoonte yinanni woyte maxaafa xaabbanno hedo uyitinoonte yaa ikkinokkita affe.
6. Soro fushshate nabbambinoonte:- Maxaafa nabbabbinanni woyte soro hasidhinannire ikkitinoonte. Soro hasi’ra lowo geeshsha bainchonna shota coyeeti; jawa laanfeeti. Soro afidhiniro taashshate caakko hasse.
7. Borreessaano jawaachishshe:- Borreessaanchu fajjo nookkiha hiittenne borrono batissinenna moortine fishshitinoonte. Seesimurgote loosi lowo daafuri guma ikkasinni waaga uyinasira hasiisanno. Egennaamma jawaachisha hasidhiniro afuunni calla ikkikkinni loosonsa hasiisanno waaginni hidhatenni jawaachishshe!
Bakkalcho Onkoleessa 3, 2015 M.D
