Hembeelaanchunna cancishaanote gaamo xa yaaddonke ikka hoogasinni gobbate gargarooshshu olanto Tigraayete qoqqowinni agure fulinota gargarooshshu minisitere olantote gatamaari loosubba qara qineessaanchi leetenaal jeneraal Baaca Debelehu egensiisi.
IFDR gobbanniti gargarooshshu olantonna IFDR gobbayidi hajo minisitere yannannita mangisitete gumulo la`inohunni xawishsha uyitino.
Kunni xawishshi aana leetenaal jeneraali Baaca Debele xawisino garinni, hembeelaanchu gaamo wolqa noosikkihura Tigraayete daga gosatenni kakkayisatenni daga gaa`latenni horonsi’ray no. Olanto dagate ledo kibbantaakki gedenna hembeelaanchu gaamono laaffinohura Meqelete keeshshasi horo diafirino.
Konni korkaatinnino olanto Meqele agurte fultino yiino. Xaano hembeelaanchu gaamo Amaaru qoqqowonna Ertira qaseemmo yaanni noota coyi`rinohu leetenaal jeneraalichu, Humeranna Raayya amadeemmo yiiro olantonke konne buluushshitanno deerri aana no yiino.
Gobbayidi hajo minisitere ministr de’eetu kalaa Redwaan Huseeni isi widoonni, ola uurrisate lallawi Tigraayete qoqqowira hembeelaanchu HWHT gaamonni gumulantanni noo mannoomittete qosso xiiwora korkaata ikka hoogatenna baatto loosidhe galtinori laashshu yanna horonsidha gede hedatenniti yiino.
Minister de’eetu xawishshi garinni, gumulshu mangisite kaa`lo aate mitii`minoommo yitannotenni kassassanni noo bissara korkaata ikka hoogate sayinsoonniho.
Kunni gedensaanni Tigraayete qoqqowira iillanno hiikko dani qarrira xa`mamaanchu hembeelaanchu HWHT yiinohu kalaa Redwaani, kalqoomu uurrinshuwano konne huwattara hedisiisino.
Abebech Maatewoos
Bakkalcho Ella 24 / 2013 M.D
