Qiddist Gezaheny
2015 bajeettete dirinni sa’u lee aganna giddo 3.8 Biliyoone birra e’’o gamba assa dandiinoonnita Sidaamu qoqqowi e’’ote biilloonyi xawisino.
Sidaamu qoqqowi e’’ote biilloonyi dayirektere kalaa Haylu Gudura Itophiyu pireesete uurrinsha ledo assino hasaawinni; qoqqowoho bocu baajeettete dirinni xaphooma 5.4 Biliyoone ali e’’’o gamba assate hende 3.8 Biliyoone gamba assa dandiinoonnitanna; kunninnino 70 anga xibbuunni jeefisa dandiinoonnita xawisino. Sai diri labbanno yanna ledo heewisiinsanni woyte 1.2 Biliyoone birri roorre leeltinota buunxoonni yiino.
Dayirekterchu xawishshi garinni; biilloonyu e’’o gamba assate dhuka lossatenna yannaasincho assate babbaxxinoha qixxaawotenna qorqorshu looso gumullanni hee’noonni.
Baxxinohunni taakse awaawura, giwire yannatenni baata hoogatenna labbino qarrubba e’’o gamba assate loosi aana guficho ikkansa kaysatenni; konne qarra gatisate Teknoloojetenni irkisamino looso hanafate sharro assinanni hee’noonnita dayirekterchu qummi assino. Konni gobbaanni konne assoote ajishatenna e’’ote dhukanke lossate hajote aana giwiru baataanora huwanyo kalaqate loonsoonni loosinni soorro daggino yiino.
Aantete amandoonni bajeettete dirinni gattino yanna giddo 7 Biliyoone birra e’’o gamba assate mixi’noonnita xawisinohu kalaa Haylu , hendoonni garinni jeefisate xa leeltino mitiimmubba aana kaajjinshe loonsannita xawisino.
Bakkalcho Ammajje 2, 2015 M.D Hamuse
