Abrahaam Saamueel
Addis Ababa:- Xaphoomu Ministerchi Abiy Ahimed (Dr) gaamosinni ledo Awuropaho Maalu,xaaliyaanetenna Feransayete massagaanonni ledo xaadde gummaamo hasaawa assitino. Dr.Abiyi Maaltu Xaphoomu Ministerchi Roobert Abeellax ledo babbaxitino halammete loosi aana hasaawa assino. Xaphoomu Ministerchi Abiy Ahimed (Dr) dagoomittete qoolisira saayisino sokkanni “Maalta Xaphoomu Ministerchinna Mootimmasi assitinonke biifado adhate amuraatira galateemmo” yiino. Lamenti gobba babbaxitino handaarranni mimmitu ledo rosicho adhitannori haammatu coy noota xawisinohu Xaphoomu Ministerchi Abiy Ahimed (Dr), hasaawu
babbaxxitino halammete hajo aana albinni roorino garinni kaajjishino yee egensiisino.Lamenti gobba massagaanonna liuukaanete gaamonsa daddalunni, investimentetenni turizimete, garbunni, loojistikeetenninna adawu hajubba aana noonsa buusamme lossatenna lamente gobba hajo aana hasaabbinoti qaangannite.
Xaphoomu Ministerich Abiy Ahimed (Dr) oomyimbarri barra Xaaliyaanu gobbara loosu towaanyo asse Pirezidaantichu Serjiyo Maatareellunna Xaphoomu Ministerchi Jorjiya Meelonigaari ledo hasaabbinoti qaangannite. Ontu dirira albaanni Itophiyunnna Maaltu wole lexxote qaraxi nookkiha laalchonsa eessate sumimme kalaqqino.
Xaano Xaphoomu Ministerchu Abiy Ahimedihu (Dr) Awuropu gobbara assanni noo towaanyo suffe afantannota buunxoonniha ikkanna bero Faransayete Pirezidaantichi IMMaanueel maakirooninni ledo xaade hasaawino. Xaphoomu ministirichi Abiy; “Pirezidaant Immaanueel Makirooni afi’ra’yanni tashshi yiinoe. Paarisi assinooninke koyishshi daafira galanteemmo. Lamente gobbuwa mereero noo xaafooshshi kaajjanni hariro roorino miinju gumira reekkamannota ammaneemmo. Faransayete kubbaaniyubba Itophiyaho assitanno investimente jawaachishate baxeemmo” yaanni hasaawu gedensaanni sokkasi sayisino.
Xaphoomu ministirchi Abiy Ahimed (PhD) Ledosi Hadhino Gaamonni Ledo Awuropaho Gummaamo Loosu Towaanyo nna hasaawa Assite beroo barra Addis Ababa Higgino.
Bakkalcho Ammajje 2, 2015 M.D Hamuse
