Amsaalu Felleqe
Addis Ababa:- Amaalammenniti timo halaale hasi’ratenni sumuu yaatenna Itophiyaho sufino keere kalaqa ikkinohura maaxantino hedubba fultanno gede jawaachishate hedote balaxo uynannita Gobboomitte amaalamme komishiine laynki komishinerchi Dr Yoonaas Adaayye xawisi.
Dr Yoonaas Adaayye, Itophiyu pireesete uurrinshara xawisino garinni; duuchanka beeqqaano assitannoti gobboomitte amaalammera 120 miliyoone daga beeqqitanno yaa hoongirono; dagooma riqibbanno qansooti dagoomunni riqiwante beeqqitanno.
Laynki komishiinerchi Dr Yoonaasi xawishshi garinni; poletiku massagaano hojjinni riqibbanno hao dikkitino; poletiku paartuwano hojjinni dibeeqqitanno; siivikete maamarrano hojjinni dikkitanno; hasaawissannorinna injeessitannori noowa hiittino maaxantino hedubba noonsa qansooti riqiwantannonna riqibbanno harinsho heedhanno.
Dagoomu ledo mitteenni noori; dagate aoo coyi’ra dandiitannori; dagate tiianna amma’no seekkite affinori; amaalammete injoo massaggannori dagate mereerinni doorante loossanno gede qummeessineenna insa widoonni hiittino dagoomu bissa duumbara gattukkinni hedonsa xawissanno kaayyo kalanqannita xawisino.
Komishiine dagatenni ledo amaalamate hala’lado kaayyo dagate uynannita ikkasenna komishiine taalo ikkino garinni daga hasaawissannotano qummeessino.
Itophiyaho afantannori sette mootimmate yuniversitubbanni ledo sumuu yaatenni xaa yannara borrote minna fannanni gede assinanni hee’noonnita xawisinohu Dr Yoonaas; poletiku paartubba ledono sumiimme malaatisate harinsho aana hee’noonnita xawisino.
Arfaasa 25, 2015 M.D Hamuse
