Mitte yannara Heyyakku Dagunchoho “Hayisso gordu dani kuuli gedeete” yee kulannosi.
Dagunchu:- dee’ni dihattoote haanjate yaanno. Hatto hatto ikkitanna, mereeronsa noo heewo iibbitanni hadhuhu gedensaanni, sumuu yaa hoogge mitto iimu kee’millinni dubbu mooticha ikkinohuwa, Doobbichuywa hadhanno.
Hakkiinni, Doobbichuywa iillituta Heyyakku cance “Ayirrado Doobbicho adda dikkino! hayisso gordu dani kuuli gedeeta dilabbanno?” yaanno.
Doobbichu:– addaho yee qolannosi.
Heyyakku:– xaano albira shiqqi yee, “Dagunchu aneta hedo sumuu diyiino. Ane hedo adha giwino; konni daafira hanqisino’e. Eeggotena qorichishi”e yaanno.
Doobbichu:– seekke macciishshihu gedensaanni, 5 diro Dagunchu mittore coyi`rannokki gedenna sammi yaanno gede yoo saysi. Heyyakku yoo uynotera hagiidhinohu, “Hayisso gordu dani kuulite” yaanni naaxxanninna cancanni ha’ri.
Dagunchu:– yoosi uynoonni diro gudikkinni, Doobbichuywa mare, “Ayirrado Doobbicho hayisso haanju kuulita ikkite heedheenna mayra qorichishitto”e”? yaanno.
Doobbichu:- togo yee qolisi. “Ee hayisso haanju dani kuulite” yaanno.
Dagunchu:– hatto ikkina mayra qorichishittoeyya yaanno?
Doobbichu:- hayisso gordu dani kuulita ikkito haanju kuulita xa’mama dihasiissanno. Ani yoo yoommohu ate gedee jawaatanna egennaammo ikkite heedhe, “Injaannokki coy aana Heyyakku ledo heewisantanni yanna hunoottohura wole yanna togoo coy anewa daannoekki gedeeti” yee, ledeno togo yii, “Duucha woyte yannakki ba’annohehu habbinori ledo heewo assatto woyteeti”. Hawu halaalenna halaaluyre ikkikkinni, qarramannohu qeelletenna ammanosinniiti. Goofimarchoho “Hambe cancituro anfe sammi ytanno” yino yinanni.
Abbebech Maatewoos
Bakkalcho Bocaasa 22, 2015 M.D
