Ooso keere heedhinoonni? rosu gumi’ne danchaho? Maayyena, hawadi yanna hiittoonni sayissinanni heedhinoonni? seekkitine nabbabbinanni heedhinoonninso yanna’ne mullawa huntinanni heedhinoonni?
Hawadi rosono rosa’ne habbinoonte. Buqqee’ne lossi`ratenna egennaamma ooso ikkitinanni gede jawaata rosaano ikka noo’ne. Rosiisaano’ne, maate’ne hattono gobba’ne ki`newiinni baca coye agartanno. Ki’ne ga`a gobba’nera caabbichooti. Konni daafira rosi’ne daafira kawaanni qolle maganye yaa banxeemmo. Ooso techo qole ki’nera rosicho uytannota mitte maatto “Abbaabba Tesfayenna xaafaach teretoochaachewu” yaanno maaxaafi aaninni tirre shiqinshoommona nabbabbinanni boohaarre.
Manchu baatto loosi’reeti galinohu. Wolu jaalu dinosi. Woshichosi ayee coyirano ammanannosi. Lawishshaho “manchu mannu ledo giwamummoro Woshichi’ya gatisannoe; mine’ya agarsiisummosiro mooraanchu qooxe’ya didaanno; soqqummosiro sokka’ya iillishannoe; waalcho’yano agarannoe” yaanni bacu coyinni addaxxannosi.
Kuni Woshichi afiisinni coyi’ra gattinnosi ikkinnina, baatto loosi’re galino mancho duucha doogonni kaa’lannosi. Baxxinnohunni ollaaho noo manni baalu konni Woshichinni lowo geeshsha hinaasanno. “Ninke Woshshi mayra togo di-ikkanno?” Yaanni. Gamba yinoonniwano ikko minu minunni konni Woshichinna baatto loosi’re galino manchi daafira hasaawannokki manchi dino. Baxxinnohunni Woshichu annu yaadinoha lawe leellisiro godoshiishatenni oso’lanno gede assannosi; konni garinni baca bushanna dancha coye mitteenni sayissino.
Mitte yannara hee’ranno gobbara moolle ubbeenna mitto diro gidu ba”eenna layinki dirira wixaho ikkanno yee maaxi’no gide ittinohura wixu hoogeennasi woxu noo bayichira ha’re wixa hidhanno birra liqiissannosi gede qallo adhanni liqiissanno mancho xa’miri; “birra eemmohena kayinni wowe ikkannohe mancho afi’rattoni?” yiisi.
“Manchu wowe dinoe, kayinni Woshichi’ya wowe ikkannoe” yee kulisi.
Hada manchu Woshichunnita dhagge alba seekke macciishshinohura lowo geeshsha tashshi yeennasi “mageeshshi yannaraati konne Woshicho amadisiisattohu?” yaatenni xa’mi. Woxe qolanno geeshsha ikkinota kule birre adhe Woshichosino amadisiise gatu loosira higanno. Wixa wixe shuqu’nasino sufi. Woshichuno annisi su’mi bushatenni ka”annokki gede, hunote aana uwannokki gede qorophe owaatanni keeshshi. Baatto loosi’re galinohuno gidesi gamba asse dikko fushshe hire birra baatatenna Woshichosino adhate ha’ranna, Woshichuno isiwa hige dodanna doogote
Abbebech Maatewoos
Bakkalcho Maaja 11, 2016 M.D
