Mitto mine lukkitte, meicho bootunna manchu mitteenni hee`ranno. Mitto barra gobbaaydinni ka“e hamashshu minira e“eenna balaxxe lukkitte affe, “Ane may eessie anewa qaaxo gidda didandaanno” yite sammi yitu.
Hakkiichinni lukkiteenniwinni sa“e, meichonniwa marita meichono “Mine ikkannohu jawu bootu hee`reenna ane itanno“e yee heda hambete” yite sammi yitu.
Me’ichonniwiino sa’e bootunniwa marita isino, woleho kula agure, “Eiro may eessanno“e qasiro mancho ikkinnina ani jawa ikka`yanni diqasawoo“e” yee sammi yeenna sa“e ha`ri. Dadillisannoricho hamashshu baalunku foonqe afinohura, beebbaataamo goxe haaqii’ranni kalqe la”ay nooha mancho qase fule ha`ri.
Manchuno, masillunni uuuu… yee raareenna qooxeessu manni fulita hamashshu qasinosita kul’eenna huranno gara mallo yineenna jawu manchi mali. Maliti, lukkitte hadho konkisenni qasse haadhanno gede asseenna, wona may eessanno’e yituti qasse haadhuti reytu. Laynkimeeshsho, meicho gorrineenna iibbinore aganno assineenna agi. Agirono soorro leella hooggeenna manchu gatate didandiino rey.
Reyita, madaarshisira wona “Ane may kisanno’e” yii booto wosinchisira jilaho jilli. Goofimarchoho:- mimmitu ledo sumuu yaa hoogate korkaatinni gawajjo dagganno.
Bakkalcho Bocaasa 1, 2015 M.D
