Ella 30/1957 M.D attamamino “Sendeq Alaamaachin” gaazeexi fidale kiirikkiinni yooaanchimmate ogimmanni owaatatenni haammata gumulo saysino yooaanchi dhagge nabbawisiisinonkanni.
Geerchoho. Hasaawisi oso`lishiishannoho. “1935 M.D hanafe 1957 M.D sadaasu agani goofimarchi geeshsha 24 dirrara yooaanchimmatenninna layinki pirezidaante ba`lattonni owaatoommo. Gordu beleqanno woyte “zerraaf” yeemmo; yee Fiitawuraari Abaate Derso yaamamannohu xawisinke. Umihunni rosisi gara huwachishankera shiqinshoommosi xa`mora dawaranninke, lekka`ya rosu minira e`e diegentino “ሀ”/Ha/ yinanni fidalcho su`masella egennoommo, xannaoommohuno “ሀ”/Ha/ yinannita diafoommo yitanno rosantino dawaro`yanniiti yiinke. Yannate loosanni noo loosi daafira xa`minoommotera, yooaanchimmatennino ikko layinki pirezidaante ba`lattonni loosanni hee`re xaphoomunni 1 kume 800 faayile gumulino gede qaaganno; yooaanchimmate loosinni galantoonnie yiino.
Uyno gumulo borreessannohu ayeti? Malaatisattohu ma garinniiti? yinoommositera, yoote gumulo borreessaanchoho kulanna borreessanno. Borreesse nabbawie gedensaanni garano ikkiro huluullameemmohura wole borreessaancho woshshe wirro nabbawisiiseemmo; hakkiinni sufe kiise`yanni baxxannoekki maatami nooe daafira borro marte gooffino qoolira badheenni mitto masmara gatisummokkiinni attameemmo yiinke. Nabbawanna borreessa hoogakkinni wole manna loosiisidhanna hajamaanote coy digoshooshamanno? yine xa`minoommotera, kuni rosino manni loosooti. Ani bisete gede murella tugeemmo yino.
Qaxxaro macciishshate mittu barri ikkannoe yii. Rosa hooga`yanni diyaadeemmo, diinogabbeemmo korkaatuno rosu techo ayrano badooshshiweelo aamami ikkinnina bashsho waro rosa saallanni coye ikkinohura annuwinke rossukkinni uytino yoo xaa egennaamma gamba yite ditirtannote. Anino yoo maganuwiinni aamantanno elto ikkitino daafira sorummokkiinni yoo aanni 24 diro keeshshe 1966 M.Dirira nugusichu xuratu qoosso eennae 15 ooso`ya lossireemmo yaatenni hasaawasi jeefisino. Kuni manchi
Kuni manchi bisisi jigeessaho, kee`millisi 135 kiiloo giraameeti, lekkate wodhanno koatte kiiro 48 ikkitanna hojjasi 1 meetirenna 90 saantimeetire seedanno.
Birra 17, 2015 M.D Hamuse
