Addis Ababa:-Gobbanke sagaletenni umose dandiite kalqete dikkora laalchisenni beeqqate xeertote ajuuja ikkitukkinni muli yanna wo`naalshi gumaati yee IFDR Xaphoomu Ministerich Dr Abiy Ahimedihu xawisno.
Xaphoomu Ministerchi Dr Abiy Ahimedihu Sai Sanbatu barra Mereerimu Gondere Zoonera gutunni latinsoonniha Akuri Ataru laalchi irsha towaatino.
Amaaru Qoqqowira laalcho lossate harinsanni hee`noonni sharronni, Akuri Atara laashshate hala`lado mixo amande loonsanni hee`noonni yiinohu Xaphoomu Ministerchi Dr Abiy; Mereerimu Gonderete Zoonera 38 kumi hekitaare aana loonsoonniha gutu Akuri Ataru loosi laalchonna Xegede Woradira Addisi Alem gutu loosinni 1 kuminna 2 xibbi hekitaare baatto aana laashshinoonniha Akuri Ataru towaanyo assinota coy`rino.
«Olluubba afidhino laalchi, addintanni faayyaho. Lowontanni naaxxisannoho. Qamadete laalchinni afi`noonni kaajjado guma wolootu laalchi aanano sufannota leellishanno” yiino.
Gobbanke sagalete umose dandaate kalqete dikkora laalchisenni beeqqate xeertote yanna dikkitino; muli yanna giddo wo`naalle abbinanni guma ikkinota caakeessino.
Towaanyote Layinkihu Xaphoomu Ministerchinna Gobbaydi Hajo Ministeere Kalaa Demmeqe Mokkonniinnihu ledo wolootta Federaalennitinna qoqqowu massagaano beeqqaano ikkitino.
Birra 10, 2015 M.D Hamuse
