Addis Ababa:- Aliyye Itophiyira Harinsannita Gargarate Qaafo Lainohunni Uynoonni Xawishsha
Xaa yannara Aliyye Itophiyira kalaqantino gaance; HWHT woxawaajje 18/2014 M.D fantino gawajjo harunse daayinoha ikkasi qaaga hasiissanno.
Kunino Itophiyu mootimma dotteessu aganinni lallabbinota mannihimmate aana kaima assino ola uurrisate wodho sa“inoho.
Mootimmate wo`naalshi waaga uynoonnisikkihura, HWHT lamu diri giddo gobba sayikki marro gaancete giddora eessino.
HWHT sayikki gaance fantinohu Afriku mittimma widoonni assinanni keeru hasaawinni, balaxote qixxaawoweelo hiittee yannaranna basera hasaawate Itophiyu mootimma qixxaawose xawissuhunni boode yanna gedensaanniiti. Konninnino ledote addi soqqamaanoranna ofollonsa Addis Ababaho assitino dippiloomaatubbara gawajjo iillishate HWHT noose qixxaawo egensiissinonkanni.
HWHT babbaxxitino gobboomu deerri bissara fincitino sokka aana tenne gawajjo fanate hasattose xawunni leellishshino. Ikkinohurano xa kalaqamino qarri baalunkura callicho xa`mamaancho ikkase buuxantinote. Yannanna bayicho uyniserono wole gaance kalaqqannota tenne lamala giddo fushshitanno xawishshinni huwata dandiinanni.
HWHT wo`ma wolqasenni gawajjo fanasera albaanni Itophiyu diilallote qoqqowi irkisaano ikkitino Itophiyu gobbayidi diinnanni ayirrinyese kisiissanni keeshshitino. Konninni kainohunnino Itophiyu mootimma gobbate bayirroonyenna gashshootu mittimma agarate dagachosi fultanno gede gadachinose.
Itophiyu mootimma adhitanno qaafubba gadachitannota ikkitinohu HWHT wirro iillishanno gawajjonni kainohunni calla ikkikkinni gobbate dhaggete diinna ledo qinaabbe gumultanno assootubba korkaatinniiti.
Ikkinohurano gobbate bayirroonyenna gashshootu mittimma ayirrisiisate Itophiyu mootimma Horophiyu fooliishshuwa, federaalte uurrinshuwanna jajjabba xintu latishshubba agarate gadacho noose yaate. Kunino gobbate bayirroonyenna gashshootu mittimma baxxinohunnino diilallote qoqqowo danchu garinni ayirrisiisate ragaanni agara gadacho assitino.
Kuri assootubba gumulamansa mootimma mannihimmate kaa`lo gawajjamaanote garunni iillishshanno gede kaa`lannoseha ikkanno. Mitto widoonni kuri hedubba gumulsiissanni wole widoonni qole Afriku mittimma widoonni harisamanno keeru hasaawira qixxaawa ikkitinota Itophiyu mootimma wirro buuxisiissanno. Sufote keeri daanno gede baalloo`minonna hasaawu aana xintantino sumuumme hasiissannota ikkase mootimma ammantanno.
Itophiyu gargarooshshu olanto dhuku noonsa massagaanonninna kalqoomu deerri mannihimmate seerubbanni galtannota ikkase mootimma xawo assate hasidhanno. Keerano gawajjantannokki gede gargarate dandaamanno gede Itophiyu gargarooshshu olanto olu quchummate giddo harisamannokki gede qoropho assitanni afantanno. Konne kaajjishe gumulate dandaamanno gede baalante olamaanora kaajjado biddishsha sayinsoonni.
Konninnino aleenni mootimmate qorqorshi hundaanni ikkitino qooxeessubbara mannihimmate irko woyyitino doogonni shiqa dandiitanno gedenna kaa`lote loosaasine hobbaati agaraminoha ikkanno gede mootimma kaa`lote uurrinshuwa ledo mitteenni loosate qixxaawote. HWHT keeraano ola gargadhinanni uduunnichi gede horonsiratenna siiviile uurrinshuwa olantote qacha asse horonsirate keeshshino gadi noose.
Ikkinohurano daganna kaa`lote loosaasine umonsa HWHT olantote uurrinshuwanni xeertissanno gede Itophiyu mootimma woshshatto assitanno. Kaa`lote loosaasine lede siiviilootu aana iillitanno hiittee gawajjora mootimma dadillesse konni tunceessinni xawissanno. Halaale afatenna bikkaminokki kaa`lote tuqishsha buuxisiisate dandaamanno gede hajubba kalaqanturo buuxxannota ikkitanno.
Jeefoteno, Tigrayete qoqqowira afantanno qansooti hobbaate agarate seerunni uynoonnita bayiriidi seeri gadachose fulate Itophiyu mootimma noose qixxaambe konni tunceessinni xawissanno.
Birra 7/2015 M.D
Addis Ababa
Mootimmate komunikeeshiine owaante
Birra 10, 2015 M.D Hamuse
