Addis Ababa:-10ki Xaanu Foreme qarra dandiitannota kaajjado Afiriku gobba kalaqa dandiinanni hajubba aana amaalameemmota ikkitanno yeenni Xaphoomu Ministrichi Dr Abiy Ahimedihu coyi’ri.
Xaphoomu Ministerchi Dr Abiy Ahimedihu 1oki Xaanu Foreme Baahir Daarete fa`nantu yannara xawisinonte gede; Foreme, Afirikaho keerunna hobbaatete bidhatto hajubba aana hasaawate horo noosete
Afiriku haammata kalaqamu jiro heedhannowa ikkirono, moolletenna hudete hattono wolootu qarrira reqecci yitino gobbaati yiinohu Ministirichu; Konne qarra hegersitino doogonni tirate baalunku loosinni mixi`ne loosanna halama hasiissannota xawisino.
“Afirika ijaarsa yaa hedewoolcho kalaqantanno danonni fula calla ikkitukkinni, illachiinshe mixi`ratenninna gobbate giddo afantanno dawarora qixxaawate” yiino Xaphoomu Ministerchi. Afiriku diilallote gadi soorro xissora qeechise boode ikkirono; diilallote gadi soorro xissora kayinni reqecci yitinote yiino. Konne ikkeenna, sase gobbuwa giddo mittu waayi hoongira reqecci yiinota hasaawisi aana kaayisino.
Itophiyu Arrishotenna diillallote wolqanni caabbicho afi`rate assitanno sharronni sa`e haaroonsate wolqa aanano assitanni noo latishshano suffannota kulino.
Itophiyu caabbichu wolqa anje gatisate calla ikkikkinni, noose wolqa garunni horoonsi`ratenni wolootu Afiriku gobbuwara soyaateno loossanni noota qummeessino.
Baxxinohunni, Itophiyu wolqate handaarinni waayi, diilallotenna baattote giddo wiliilenni haammata caabbichu wolqa burqisatenni olluu gobbuwara gattukkinni caabbichu wolqa iillishanni afamanno yiino.
Itophiyaho xeenu aana kaima ikkino giwirinnanke gorsu latishshinni dikkote widira soorrate hattono gobba sagaletenni umose dandiitanno gede assate loonsanni hee`noonnitano guwursatenni.
Hananfoommoha haanju latishshi looso Awuroppu kiironni 2029 dubbu latishhshi handaari looso qinaawinoha assate wo`naalsha assinanni hee`noonnita hasaawisi aana kayisino.
Xaphoomu Ministerchi tonnikki Xaanu Foreme qote qoteho Suudaante Pirezidaantichi Leetenaal Jeneraal Abdel Fettah Alburhaani ledo maltino.
Foremete aana afaminohu Suudaante Pirezidaantichi Jeneraal Abdelfettahi Alburhaani isi widooni, Koviidi 19, diilallote gadi soorronna sagalete anje keerunna hobbaatete bidhatto ikkite keeshshitinota coy`rino.
10ki Xaanu Foreme keerunna hobbaatunniti hanaffu yannara interineetete irkisame sokka saayisinohu Afiriku Mittimma Komishiine murrichi Musafaaqi Mahimati isi widoonni, Afiriku wole kalqenni baxxe gaancenna olu burqisamanno gobba ikkino yiino.
Afirikaho keerunna hobbaatete doorshi dawaro hasiissannose yiinohu murrichu; Afiriku gobbuwara dawaro abbate loonsanni hee`noonni yiino.
Afiriku Mittimma Afiriku giddo noo dureeyye ledo keerunna hobbaatete bidhatto qarra gatisate qooxeessaho co`o yitino fooliishsho heedhanno gede lonsanni hee`noonnitano kulino.
Abrahaam Saamueel
Birra 10, 2015 M.D Hamuse
