Yaareed Geetaachew
Hawaasi quchuma loosi’ratenna hee’rate injiinoha assate loonsanni hee’noonnita xawinsi.
Quchumu Latishshinna Konistiraakshiinete biddishshi moolanna du’namaancho ishine gamba assinanni hasiissanno basera tunganni harinsho lainohunni haja la’annonsa bissanni ledo torbino.
Hawaasi quchumi gashshooti kantiiwi kaa’laanchu pirofeeserchi Tseggaye Tuke tenne yannara xawisino garinni; quchumaho ishine kayinsanni harinsho yannaasincho assate ragaanni qooxeessunna dagoomitte qarrubba sufino garinni tira hasiissanno.
Quchumaho moolano ikko du’namanno ishine kaynsanni doogga yannaasincho hayyonni woyyeessate ragaanni dagooma beeqqaano assa agarrannitano coyi’rino.
Danchu su’mi noonsa Itophiyu Quchumma mereerinni albisa ikkino Hawaasi quchuma Soojjaati afriki ille ikkitanno gede deerru deerrunkunni quchuma massagganno bissanna teesaano qeechansa fultarano duu’re sokkasi sayisino kantiiwu ka/Pro Tseggaye Tuke.
Quchumu latishshinna konistiraakishiinete biddishshi miseessu sooreessi kalaa Taariku Taammene isi widoonni, quchumaho ishine kayinsanni hayyo woyyeessatenni ishine jirote widira soorrine horoonsi’rate amadooshshe woyyeessa hasiissanno yiino.
Dagoomahono ishine kayinsanninna amadooshshu gara lainohunni woyyaawa huwanyoote kalaqa hasiissanno yiinohu miseessu sooreessi kalaa Taariku; moolano ikko du’namaancho ishine kayisatenni garunni horote aana hosanno garinni illachinshe loonsanni hee’noonnitano lede xawisino.
Bakkalcho Birra 3, 2015 M.D
