Abbebech Maatewoos
Addis Ababa:- Qoqqowu mootimma babbaxxitino Saadate ceattora 2015 M.Drinni 30 miliyoone birra baajeette gaamtinota xawinsi.
Dagoomu jireenya hansoonni deerrinni buuxisatenna dagooma horaameeyye assate saadate jiro latishshi handaarira hajo la”anonsa bissa baala illacha tugge loosa agartannota Sidaamu dagoomu qoqqowu mootimma saadate latishshi biiro xawissu.
2015 bajeetete dirinni lukkuwu ceo handaari looso halashshate ikkitannoti mixotenna hedo cu`mishshiishate sanade gangaawira hasaawu battala Yirgaalamete quchumira hajo la`annonsa bissa noowa harinsoonnita qaangannite.
Saadanna qulxu’mete latishsi biiro sooreessi kalaa Tekile Jombihu isiwidoonni; 2014 M.D saadate jironni dagooma horaameeyye assate sasente doogonni saadate sircho woyyeessatenninna duuchunku handaari ceora illacha tunge loonsoonni loosinni woyyaawino gumi maareekkamasi kulino.
Sai baajeettete diro lukkuwu ceo handaarinni 1.4 miliyoone lukkuwa ce’annorira shiqisha dandiinoonniha ikkanna 2015 M.Dirira 4 miliyoone lukkuwa ce’annorira beehate mixo amandoonnita qummi assinohu kalaa Tekile Jombihu; wedellahonna meentoho loosu kaayyo kalaqate hattono maatete jireenya buuxisiisate hajo la”annonsa bissa baala illacha tugge loosa agartannota huwachishino.
Goombillu saada, lukkuwu, diida, qulxu’menna haarete da’muulchi handaari ceattora qoqqowu mootimma 30 miliyoone birra baajeete gaamtinota qummi assinohu sooreessu mixo hendoonni deerrinni gumulate illacha tunge loonsannitano lede xawisino.
Bakkalcho Birra 3, 2015 M.D
