“Biilloonyu Annuwi Dagate”K a l a a D e s t a L e d a m o S/Q/Pirezidaante

Sidaamu qoqqowi amaale mini, Hawaasi Quchumi, Woraddatenna Quchummate Mittimma Hasaawi Bare Harisi.

Qoqqowu pirezidaantichi kalaa Desta Ledamo barete leelle assino hasaawinni; biilloonyu annuwi daga ikkansanni daga riqibbe wodhitinori amaalete mini miilla deerru deerrunkunni afantanno amaalete minna loossa harunsatenna irkisate loossa naandannita ikkase xawise;Amaalete minira ayirrinye aa hasiissannono yiino.

 Qoqqowu Amaale mini deerru deerrunkunni harunsatenninna irko assatenni quchumaho,baad iyyete,woraddatenna olluubbate afantanno amaalete minna uurrinsha kaajjishate adhinanni hee’noonni qaafo naandannita ikkaseno qummeessino pirezidaantichu.

Bareteno, woyyawa loosu gumulsha leellishshinori quchummatenna woraddate amaale minna; uurrinshu komite gambisaano; dayrekiterootunna ogeeyyete gumulshinsa garinni kakkayishshunna afanshu baraarsha uynoonni.

Bakkalcho  Wocawaaro 26, 2015 M.D