Hawaasa:- Sidaamu Qoqqowi Amaale Mini Qara Songaafitte Dukko Faantaye Kebbedeti 3ki doycho umikki diri 3k uurrinshu songo harinsannihu Woxawaajje 15-20/2014M.D geeshsha ikkinota xawissino.
Songote babbaxxitino lallawubba shiqqeenna kaajjinshanniha ikkanna 2014 bajeettete diri loosu gumulshi ripoorte, zoonete tantano shiqqeenna hasaawa assinannitanna 2015M.D haaru diri baajeette kaajjinshannita kulte baalunku amaalete mini miilla yinoonni basera leeltara sokkase sayissino; Sogaafitte.
Dagate xa’mo ikkite keeshshitinota zoonnate tantano Amaalete mininni kaajjitannoha ikkanna xaa geeshsha addi addi garinni hasaambe 4 Zoonna Hawaasi quchumi gobbaanni noorenna 1 Hawaasi zoone tantanate Sumiimmete iillinoonnita Songaafitte dukko Faantaye coyidhino.
Woxawaajje 15-20/2015M.D geeshsha harinsanni Amaalete mini songo qoqqowoho jajjabba hedo kaajjinshannita ikkase kultinoti Songaafitte; duucchunku qansooti malaati nooti Bayiriidi Itophiyu haaroo’mate kofo 2ki Terbayine caabbichu wolqa burqisa hanafasenninna 3ki doycho way wo’masinni hawalle hagiidhitinoonni yitanni ledotenni hagiirru sokkase sayissino.
Yaareed Geetaachew
Bakkalcho Woxawaajje 12, 2014 M.D
