Addis Ababa:- XM Abiy Ahimed Bayiriidi Itophiyu Haaroo’mate kofatto laynki Terbayne caabbichu wolqa uurqisate looso hanafisiisi yannaranna 3ki doycho waa wonshate amuraate sa’u muli barruwa giddo hanafisiisino.
IFDR Xaphoomu Ministirchi Abiy Ahimed Bayiriidi Itophiyu Haaroo’mate kofatto Laynki Terbayne caabbichu wolqa burqisate looso hanafisiisi yannara; ‘’ Tini ilama kaayyono qeelleno afidhinote’’ yaaniiti xawisinohu.
Dhaggete giddoonni sa’’anna dhagge loosa babbaxxitanno; dhaggete giddoonni sa’’a kaayyote; ikkinorichi loosamanna laoommo yine farci’rate; Dhagge loosa kayinni kaayyo calla ikkitukkinni qeelleteno, yiino.
Ninke techo ilama tenne kaayyonna qeelle horonsi’raano ikkankenni hawalle tashshi yiinonke yaa hasi’reemmo yiinohu Xaphoomu Ministirchi Abiy; tini ilama kaayyono qeelle afi’neemmo gede ikkinohu hammatu halchitanni keeshshitinoha Abbay waa kofatenna horoonsi’rate hasatto illetenni lainohu; angasinni kikkisinohu; lekkasinni kaxxa dandiinohu kaayyaataammano qeelle afi’noommo ilamano ikkinoommohuraati yiino.
Amadisiiseno, albi akaakkankenna annuwinke halchitino; heddino mixidhino; ninke techo la’noommoha kayinni la’’ate didandiitino. Tenne kofo heddino; kofate heddanni lowonta gaabbitanni sa’ino; ninke kayinni insa hedo adda assinoommo; Itophiyu qansooti baalu kaayyaataammanna qeelle afi’noommore ikkankenni tashshi yaankera hasiisanno. Yaanniiti tenne yannara xawisinohu.
Abebech Maatewoos
Bakkalcho Woxawaajje 12, 2014 M.D
