Yaareed Geetaachew
Hawaasa:- Mimmito xaadde egenno adhatenna fayyimmate kaa’litanno lekkate kuwaase Abisiiniyu baanke Adaamunna Hawaasi quchmi loosaasinensa mereero ha’rissino.
Gobankera baankete dhaggenni albisa ikkitinoti Abisiiniyu baanke Hawaasinna Adaamu distirikte gutunni ikkite 2014 bejetete diri loossa gumulsha lainohunni Hawaasi quchumira rosicho soorridhinoha ikkanna jaaloomittete lekkkate kaase godo’leno harissino.
Hawaasi distirikite sooreessi kalaa Isayyaasi Tesfayehu tenne yannara xawisino garinni; baankete loosaasine ofolte loossanno daafira mimmito egennamate kaayyo ajjinote; mimmito egennamatenna wo’ma fayyimma agarsiisate loosaasinete mereero hananfoonni ispoortete beeqqo suffannota ikkase huwachishino.
“Yanna baxillunna mittimmannite; miimmito egennama kaayyote” yiinohu kalaa Isayyaasi;Konni agani giddo Itophiyu Ameerikunni harunsite 2ki deerra amadde Itophiyu baandeera gotti assiissino atileetootinke mittimmatenna baxillu guma ikkasinni hagiirresi xawise;Isipoorte ganyine loosa fayyimmatenna baxilleho hattono mimmito egennamme hedo soorri’rate noose qeechi luphiimaho yiino.
Amadisiiseno uurrinshate deerrinni heedhanno soorronna dagoomaho uynanniti isilancho owaante gobboomitte lophora noosi qeechino luphiima ikkinota kule; distiriktuwate loosaasine roorenkanni egennantanno gede assamnnotano coyi’rino.
Fayyimmate gaamo mereero harinsoonnihu lekkate kuwaase godo’le loosaasinete fayyimmansa agarantanno gede qeechisi luphiima ikkinota tenne yannara xawisinohu kayinni Abisiisniyu baanke Adaamu distirikte loosu harisaanchi kalaa Saani Buchareho.
Rosicho soorri’rate godo’lenni Hawaasi quchumira keeshsho assitinori baankete loosasineno hagiirraamma ikkitinota coyidhino. Hawaasi yuniversite giwirinnu kolleejje hoowera harinsoonnihu jaaloomittete lekkate kaase godo’lenni lamenti gaamo 2-2 goole kiirsiisatenni taalo ikkino guminni gumulamino.
Bakkalcho Maaja 28 / 2014
