Qiddist Gezaheny
Addis Ababa:- Ruusiyunna Itophiyu lamooshshu xaadooshshi wo’munku handaarinni kaajje sufannota Ruusiyu Gobbaydi Hajo Ministrchi Serge Lavrovi coyi’ri.
Serge Lavrovi tenne coyi’rinohu tenne lamala giddo faajjetenni loosu towanyora Itophiyaho leelle IFDR Laynki Xaphoomu Ministirchinna Gobbayidi Hajo Ministirchi kalaa Demmeqe Mekonninihu ledo hasaawa assi yannaraati.
Ruusiyunnihu Gobbaydi Hajo ministirchi assino hasaawinni Ruusiyunna Itophiyu mereero noo lamooshshu xaadooshshinna wolootu kalqoomu hajubba aana Itophiyu mootimma biillooti ledo hasaawa assino.
Lavrovi Afriku gobbuwa Dipiloomaatooti ledo assino hasaawinni Ruusiyunna Afriku gobbuwa mereero noo xaadooshshenna halama kaajjisha dandiinanni hayyo aanano Laavrovi Itophiyaho Ruusiyu Embaase hoowerano haanja harumasi worino.
Faranjootu 2021 IFDR Laynki Xaphoomu ministirchinna Gobbaydi hajo ministirchi kalaa Demmeqe Mekonninihu Ruusiyaho towanyo assi yannara lamente gobbuwa xaadooshshe konni aleenni kaajjishate dandiissanno halamate handaarra aana hasaabbinoti qaangannita ikkitanna; Serge Lavrovi Faranjootu 2018 Addis Ababu towayosinni Itophiyunna Ruusiyu xaadooshshe woyyaawino deerra iillishshanno sumimme asse higinoti qaangannite.
Ruusiyunnihu Gobbaydi hajo ministirchi tenne lamalara Itophiyaho faajjetenni loosu towaanyo assara albaanni Gibtsete, Kongonna Yugaandaho towanyo assino.
Bakkalcho Maaja 21/ 2014
