Addis Ababa:- Horraano HWHT gaamo xaa yannara wirro hunote assitanni noo millimillonni qorowantanno gede Tigrayete daganna kalqoomu dagoomi aada yitara hasiisannota IFDR Miseessu Xaphoomu ministirchinna Gobbaydi hajo ministirchi Kalaa Demmeqe Mekkonninihu coyi`ri.
Amaaru qoqqowi “Seera agarsiisatenninna tiiu gaadinni baantoonni baatooshshi Itophiyu bayirroonyiranna mittimmara” yitanno massagote hedonni afamishshunna galatu qixxaawo Bahir Daarete quchumira tenne lamalara harisino.
Kalaa Demmeqe Mekkonninihu tenne yannara coyi`rino garinni; horraano HWHT gaamo dirrate gumultanni keeshshitino hunote doogonsanni qorowantanno gede Tigrayete daganna kalqoomu uurrinshuwa ikkino yitara hasiisanno.
Itophiyunniha jireenyu hodho gufisate baarigaarra kaajjado sharro aana no. Horraano wolqa sa’u hunonsanni seejjama gibbe wirro hunote qixxaabbanni afantanno yiino.
Konninni sae duuchanta keeru doorshubba cufatenninna baarigaarrate sokkora hiramatenni gumulantanno hunonna horrora Itophiyu daga kaajjado qaafo adhitannota daga baala huwattara hasiisanno yaanniiti duu’re huwachishinohu.
“Olu doorshanke dikkino; ayerano diseyaanno” yinohu miseessu Xaphoomu
ministirchi; Itophiyu mootimma ayee woyteno umi doorshise keeraabbino furchooti. Keeru doogo dagate xa`mo sufotenni tirtannoha ikki geeshsha keeru baalante doogonni roorinoho yiino.
Itophiyu gargarooshshu olanto, Amaaru addi wolqa, Faanno, Affaarete addi wolqa hattono baalante qoqqowubba ga`labbote wolquwa hunote gaamoha bunshete mixo sharramate widoonni Itophiyu dhaggenni hambannikki sharro gumultinotano qaagiissino.
Baalanti Itophiyu daganna gobbaydi gobbuwara heedhanno diyaaspori ga`labbote wolqara irko ikkatenni kalqe maala`lisino looso gumultino; konneno yanna baalate farcishiishshino yino.
Baalante kalqera heedhannoሪ Itophiyu daga gobbansa halaale kalqete leellishate assitino mittimmaranna afisiissino gumira galataኖshiqishino.
Itophiya kaajjishate yite seera agarsiisatenninna tiiu gaadinni waaga baattino qansootira Itophiyu addi ayirrinyi noose yiino; kalaa Demmeqe.
Tiiu gaadinninna seera agarsiisate gaadinni luphiima kaa`lo assitino olantoranna siiviilete massagaanora uynoonni afamishshinna baraarshi Itophiyu dhagge giddo gobbate baxilli lawishshimma ikke qaagamanni hee`rannoho yaanni coyi`rino.
Wole widoonni hunote qixxabbinori HWHT nna kakkacha wolquwa gumultanno hunonni miliyoonetenni kiirranniri qaensanni darantinota coyi`rinohu layinki xaphoomu ministirchi; haammatuno tiiu gawajjamaano ikkitinota xawisino.
Seera agarsiisatenninna tii`u gaadinni luphiima kaa`lo assitinori Itophiyu daga darantino daga wirro uurrisate assinanni wo`naalshirano uminsa qeecha fultanno gede xa`mino.
Amaaru qoqqowi qixxeessino ba’re aana 1 kume 471 qoqqowu ga`labbote miillara ba`lattote lopho hattono deerrunni, meedaaliyanna afamishshu taje woraqata baraadhinore lede xaphooma 2 kume 197 miillaranna massagaanote jawaachishanno afamishsha uynoonni.
Konninni saeno tiiu gaadira gaamotenni woy kifilete deerrinni qeelle assatenni luphiima qeecha fultino gargarooshshu olantora sase olu kifillaranna 12 Shaalaqira danu baraarshanna afamishsha uynoonni.
Abbebech Maatewoos
Bakkalcho Onkoleessa 4 , 2014 M.D
