BahirDaare;- Xaa yanna baalanti ga`labbote wolquwa woyyitino jawaantenna ikkadimma aana afantanno; diinnano tenne garunni huwata hasiisannonsa yaanni Xaphoomu minisitirchi Dr Abiy Ahmedihu egensiisi.
Xaphoomu ministirchi Abiy Ahmedihu Bahir Daarete quchumira harinsoonni Amaaru qoqqowi ga`labbote wolquwa afamishshunna galatu qixxaawo aana afamino.
Xaphoomu ministirchi assino hasaawinnino; xaa yanna baalante qoqqowubba addi wolquwa woyyitino jawaantenna ikkadimma aana afantanno; kuri wolquwa woyyitino jawaantenna ikkadimma aana ikkansa Itophiyu keere, mittimmanna tiiu wooweeti yiino.
Ittophiyu diinna tenne huwattukkinni Itophiyu daga sirchunni, afuunni, amma`notenni polotikunni babbadantino yitanno sodhino hedonni so’ro loossannokki gede qoropho assa hasiissannonsataati Xaphoomu ministirchi Abiy huwachishinohu.
Itophiyu konni albaannino sirchunni, amma`notenni, afuunninna polotiku laooshshinni babbaxxitino mannooti nooseta xawisinohu Xaphoomu ministirchi; badooshshinsa kayinni Itophiyaho sharramatenni dihoolinonsa.
Itophiyimmatenni gamba yaatenni wolaphitino gobba uytinonke garinni techono babbaxxitino qoqqowubbanni, dagoomubba, amma`nubbanna polotiku laooshshubbanni fultinoti Itophiyu daga; diinna Itophiyu tiia kisate hasidhanno woyte mittimmatenni uurrineemmorenna ayimmanke ayirrisiinseemmore ikkanke diinna roso adhite wirro heddanno gede kulatenni qummeessino.
Cancishaano HWHT ledo assinoonni olira gargarooshshu, federaalete poolise, addi wolquwanna, addi addi su`mi noonsarinna babbaxxitino yunifoorme uddidhino wolquwa mittimmate diina shollishanna wolaphonke sufisiisa dandiitinono yiino Xaphoomu minisitirchi.
Uynoonni baraarshi heeshshotenna mundeete waaga baattinori hattono woxunninna egennotenni gobbansara kaa`lo assitino baalante Itophiyu dagara uynoonniteno yiino.
Bakkalcho Onkoleessa 4 , 2014 M.D
