IFDR Gargarooshshu Ministeere kalqoomu keere ayirrisiisate sokko adhite bobbakke gobbansara higginokki boode olantote miilla lainohunni xawishsha uyno.
Xawishshunnihu wo`mu qaali konni woroonni shiqino.
Kalqoomunni keere ayirrisiisate sokko aana bobbake gobbansara wirro higginokki boode ikkitanno olantote miilla lainohunni uynoonni xawishsha.
Cancishaanchu HWHT gaamo gobbate wolambinate ikkinoha gargarooshshu olanto badheenni qasse soorro galche biiloonyu widira hige Itophiya hidhate; gashsha hoogiro umisi kaayyo umisi gumule qoqqowubba bade Itophiya diigate illacha tuge Birra aganira 2013 M.Diro Aliidi IIze olanto aana jaddo fanino.
Cancishaanchu gaamo Aliidi Iize aana ola fanate albaanni gargarooshshu olanto giddo heedhanno Tigirayete afoo coyidhanno miillawa maaxame e`e hunote loosira qixxeesse Aliidi Iize gargarooshshu olanto milla qase giddoydinna gobbaydinni jaddo iillishinoti qaangannite.
Seeru aliidimma ayirrisiisate hattono wolambinatu gaado hananfi yannar gargarooshshu olantonke ledo mittimmate loossanni keeshshitinori olantotenni kayse jajjabba massagaano geeshsha noo Tigirayete afoo coydhannore gaadu qinaawanno gedenna insa insaneewa qasantannokki gede assate insa bande aganu baatooshshe adhitanni minensa keeshshitanno gede assinoonniti qaanganite.
Aliidi ragi Izze qansara albaanni baara widira keere agarsiisate sonkonniri Tigirayete afoo coydhanori kayinni olantonkeranna amndoonni sokko aana qarra dikalaqqanno yine loossanni suffanno gede assinoonni. Ikkollana kayinni, HWHT Tigirayete afoo coydhannore wirro Itophiya gobbansa higgannokki gede baara wido heedhannori HWHT gaamo miilla kaphu duduwo fincitanni miillate aana mommoddo kalaqqino.
Itophiya higginiro usurantine ba`inanni yite kaphu duduwonna waajjishiishsha fincite gosoomimma kalqqe gobbansanna uurrinshansara owaante uytanni noore Tigirayete ilama olantote miilla baara widira darantanno gede assitino. Gargarooshshu miilla uurrinshansanna gobbansa gibbe ikkikkinni Woyyaane loossino hunote loosinni waajjite boode olanto keere agarsiisate hadhinowa gattanno gede assitino. Woyaane boode hunote wolqa giddo amade hunote loosi gumulaano assite keeshshinoti anfoonnite.
Konni albaanni Daarfurete sokko adhite bobbakke noore wirro gobbansara higganno gede assini woyte, hattonni kaphu duduwo finceenna boode ikkitanno olanto gattino. Suudaanete Saamiri yinanni hunote wolqa ledo karsante olantanni reeytinorino no.
Kaayinilla, baalanta xiiwo dandiite gobbanna uurrinshansa uytino sokko garunni owaatte gumulte higginorire Tigirayete afoo coydhanno olantote miillara uurrinsha wodaninni galata shiqishshanno.
Seru aliidimma ayirisiisatenna wolambinatu gaadi yannara minensa keeshshitannoo gede assinoonnirinna keere ayirrisiisate gaadinni wiroo higginori kumu aleenni kiirranniri Tigirayete afoo coydhannori gargarooshshu olanto miillanna loosaasine techono uurrinshate miilla ikkitinohura qoossonsanna afidhanno horo agarranni. Xa nooti gaance ayii garinni tirriha ikkiro loosinsa widira higge gobbansara owaante uytanno yine loonsanni leellianni.
Xaano keere ayirrisiisate sokka adhite bobbakke noori, olantote ledo sokko gumultanni noorenna yannate geeshshira loosu gobbaanni heedhe ikkollana, aganu baatooshshe baantanni hee`noonni olantote miilla, Woyyaane loossanni noo hunotenna kaphu duduwinni waajjitinikkinni gobba`nera owaante uytinanni gede, mini maate`ne diigginannikki gede, horo`ne uurritannokki gede, gobba giwate dhaggenni borreessantinannikki gede qaagiisineemmo`ne.
IFDR Gargarooshshu Ministeere
Dotteessa 19,2014 M.D
ABRAHAAM SAAMUEEL
Bakkalcho Dotteessa 20, 2014 M.D Hamuse 2
