Amsaalu felleqe
Addis Ababa: ”Kaandoonni Aliyye Hajajo” yaanno maxaafi maassami yannaraati Xaphoomu ministirchi “hiiku borreessaanchino diinu angara hee’re borreessa didandaanno; konni maxaafi borreessanchi kayinni konne assino” yaanni coyi’rinohu.
Ontawu roorrichi Gaashshaw Xeenayehunni boreessaminohu”Kaadoonni Aliyye Hajajo” yaanno maxaafi “fugaminohu gaadaanchi qaaggooshshi” yaanno maxaafino tene lamalara maassame nabbawaanote iillino.
Maxaafu maasso amanyooti aana leellinohu Xaphoomu ministirchi Dr Abiy Ahmedihu coyi’ranni; hikku borreessaanchino diinu angara hee’re borreessa didandaanno;Ontaw rorrichi Gaashshaw Xeenahu kayinni borreessa dandiino yino.
Hattenne heeshshonna reyonnita ikkitino quuxxote yannara olanto Tigrayete qoqqowira fugante heedheenna maxaafu borreessanchi kayinni konni maxaafisira ikkano qaaggooshshe amadasi naandannite yiko.
“Kaadantuti Aliyye Hajajo” yaanno maxaafi amadino hedo wo’manti borreesanchu umisi aana xaadinosire cala amadinoha ikkikkini duuchinke dhagge ikkitinota huwatommo; illesinni lainorenna maccishshinoreno busulseeti shiqishinohu yino.
Borreessaanchu konni albaannino “Kaphaanchu” yaannoha geewote maxaafana olantote giddo nooha baincho assoote qalote borro gede asse “Itophiyu reyo” yaanno maxaafano nabbawaanote iillishino.
“Kaadantinoti Aliyye Hajajo” yaanno maxaafi maassote amanyooti aana luphiima mootimmate loosu massagaano, egennantino mannootinna albiri olantote massagaano milla leeltino.
Bakkalcho Badheessa 29, 2014
