Abbebech Maatewoos
Addis Ababa;- Qoqqowu daga konni albaanni Bayi’riidi Itophiyu Haaroo’mate Kofatto ijaarsate boonde hidhatenni, elatenninna woloota irko assitanni keeshshitinota kaajjishshe suffanno gede Sidaamu dagoomu qoqqowi mootimma woshshatto assitu.
“Kofattonke Mittimmanke Caabbichira” yaanno massagote qaalinni 11kki diri kofatto ijaarsate amanyootinna umikki doycho wolqa burqisa kaima assatenni gobbate deerrinni bonde hirranni lamala faajje assinoonni.
Bonde hirranni lamala Badheessa 20 kayisse Dotteessa 05/2014M.D geeshsha ikkitanno yinoonni.
Federaaletenna Addis Ababu Quchumi Gashshooti Bayi’riidi Itophiyu Haaroo’mate Kofatto Ijaarsonna dagoomitte Beeqqo Qineesso Bo/Minna mittimma xawishsha uytino.
Bayriidi Itophiyu Haaroo’mate Kofatto xaphoomu ijaarsate loosi xibbuunni 84 anga iillinota xawinsoonniha ikkanna xaa geeshsha kofattote daga babbaxxitino doogganni 16.4 Biiliyoone ale ikkanno birra irko assitino.
Loosidhe galtinorino wolqansanni laayyote loossa loosatenni 100 Biliyoonenni hendanni beeqqo assitinota xawinsoonnitano qoqowu pirees sekretaare lamalate xawishshinni egensiissino.
Bakkalcho Badheessa 22/ 2014
