Addis Ababa:- Itophiyaho latinsanni hee’noonniti gammoojjete arri gorsi qamade gobbayidinni e’anno qamade wo’munni wo’ma riqiwate hexxo aanno akati aana afantannota Xaphoomu ministrchi Dr Abiy Ahimedihu egensiisi.
Xaphoomu ministrchi Dr Abiy Ahimedihu kalqete baanke Afriku gaamo-1 qaru loosu gumulshaanchi Tawufila Niyamadezabinna Itophiyaho, Sudaanete, Wodiidi Sudaanenna Eertiru kalqete baanke dayirektere ikkinohu Osman Diyooni ledo Oromiyu qoqqowira Soojjaati Shewa zoone Adaamu woradira qasiisote qamade laalchimma towaattino. Itophiyu gobbanni e’’annoha qamadete laalcho gobba giddo laalchimma lossatenni riqiwate noose hasatto garinni gobbanke qoqqowubba sharronsa lossate aana afantanno yino.
Kalqete baanke Afriku dayirekterchi Tawufila Niyamadzabo; Woxu ministrchi Ahimed Shidehu, Oromiyu qoqqowi pirezidaantichi Shimellis Abdiisihunna wolootuno federaalete loosu sooreeyye
towaanyote amanyooti aana beeqqitino. Gobbate gede xaa geeshsha 400 kume hektaare baatto aana gammoojjete qamade laashshinanni hee’noonnita Xaphoomu ministrchi borro mininni fultino mashalaqqe leellishshanno.
Hattono lamalate giddo Xaphoomu ministrchi Abiy Ahimedihu Amaaru qoqqowira galchimi Gondarete zoonera arri gorsinni laashshinoonni qamade towaatino.
Qamadete shiqisho aana kalqete ikkitonni xiiwo iillitanni nooha ikkasinni sagaletenni umo dandaate laalchimmanke rakkinota assa lowo geeshsha hasiissannota qummi assinoti qaangannite. Amaaru qoqqowira laino laalchimmano hexxo uytannota ikkase xawisino.
Qiddist Gezaheny
Bakalcho Badheessa 15, 2014 M.D
