Addis Ababa:- Akkimale waagu lexxo kaiminni leeltanni noota heeshshote iibbabbo ajishate mootimma qaafo adha hanaffinota Woxu ministerichi Ahmed Shidehu xawisi. Aantanno 3 agannarano 150 miiliyone litire zayte gobbate giddora eessinannitano egensiisino.
Ministirchu Ahmed Shidehu;s zaytete laalchi shiqishonna akkimale waagu lexxo qarra tirate mootimma qaafo adhitanni noota xawise; Jireenyu paarte umikki uurrinshate songora raga worroonniri mereerinni akkimale waagu lexxo ajishatenni ga’labbi assine wiinamunni qansootu heeshsho woyyeessate yino.
Konni garinnino aantanno sase agannara 150 miiliyone litire zayte gobbate giddora eessinannita xawise; zaytete shiqisho widoonni loonsanni hee’noonnihuno gumulote bisooti yino.
Sagalete zayte shiqisho widoonni adhinanni hee’noonni qaafo wolootu sagalete laalchuwa aanano gumullannita egensiisino.
Albillichono akkimale waagu lexxo korkaatinni kalaqantinota heeshshote iibbabbo ga’labbi assate duuchante handaarranni kaajjado qaafo adhinannita xawisino.
Sagalimmate horonsi’nanniri waagi lexxo dagoomu heeshsho aana jawa qarranna hembeelamme kalaqqannokki gede baxxinohunni zaytete laalchi qaraxiweelo eanno gede assinoonnita qaagiisse; qaraxu ledo amadisiisameno smootimma 2011M.
Dnni hanaffe sagalete zayte 23.7 biiliyone birra taakseweelo e’anno assitino. Kalqete aana Nadaajete waagi lexxo kalqete dikko aana luphiimu waagu lexxo leellishshinota kule; Itophiyu mootimma kayinni Nadaajete 100 biiliyone birra doggontinota xawisino.
Zaytete tuqishsha lainohunnino Daddalunna qooxeessu xaadooshshi ministere fushshitanno waagi garinni qoqqowubbano maamarrate widoonni loosu aana hosiissannota qummeessino.
Bakkalcho Badheess 8, 2014 M.D
