Addis Ababa:- Ninke Itophiyu dagara meentu barri mittu barrihanna mittu aganiha ikkikkinni diru giddo 365 barri hajooti yitino; IFDR Pirezidaantitte SahileWorqe Zewudeti.
Pirezidaantitte kalqete meentu barra lainohunni sayissino sokkanni; haammata guffa sa’noommo meenti dubbo beeshshitanno haqqicho ikka noonkekki daafira ninkewiinni lowore agarranni.
Konniraati haammatu meentiranna ninke Itophiyu dagara meentu barri mittu barrinna aganu hajo ikkikkinni 365 barri hajooti.
Barru barru loosonke ikka noo yite xawissino. Konni garinni, minu loosino noota egensiissino.
Pirezidaantitte xawissino garinni; sa’u dirrara Itophiyaho meentu taalleenyi, qoossonsa ayirrisate, tiiansa lossatenna massagote ikkado assate minshannikki lopho daggino. Meentu lophora gawalo nookkita leellishino.
Woyyaabbino hexxo heedhannonsa gedeno assino. Qoleno, saiha 15 aganna harinsoonni oli, suffe suffe kalaqantino kalaqamu danonni gawajjote ubbinori meentohonna qaaqquulleho.
Ittannorinna aggannori nookkiha darantinorino insaati. “Meqele caa`linanni mereershira xaadeenna ‘Farsho’ wore hiranni lossoommare lame qaaquulle`ya hoogumma“ yitue ama; Dase caa`litinoti lame lubbonni ila iillitino ama; haammata kiilo meetire hadhe ooso`ya hiisso?” yite kultue ama; babbaxxino baycho gadadinseenna siyaatamino meenti; fayyimmate uurrinshara xagisi`ranni noori; Somaalete Qoqqowira moolle gargadhate daramino meentinna qaaqqullu; Affaarete Qoqqowira olunni gawajjantino qaaqquulli; mininsa maate agurte dhiwansiissanni noo amuwi; Dase dancha fajjonni daramaanote soodo shooma shiqishshannoti beetto, tittirshunni kule guda dandeemmakkiha jawa qarra saysinori, hattono woloottano konni barrinni qaageemmansa yitino Pirezidaantitte.
Wole widoonni danquulle ikkite heedhe jawa bareende gumultinori meyaa gargarooshshu olanto miilla xaaddinotanna insanni boo`noomma yite xawissino. Ninke Itophiyu dagara kuni barri rosamino gari barra ikkara dihasissannosi yitinoti Pirezidaantitte; gambooshshu base massagote qaali hasaawinni tirranni hajo ikkikkinni, kaajjado looso loosa xa`mannota caakkeessitino.
Meentu daafira assinanni sharro meentu callunni assinanni sharro ikkitinokki daafira daga baalate loosooti yitino. Konnira, wolqanna egenno gamba assa hasiissannota huwachishshino.
Meentu hajo lainohunni loossanno mootimmate bissa ikkitinokki uurrinshuwa, Siivilete mittimma halante loosa rosa hasiissannota qaagiissitino.
Meentu siyaatamate iilacha ikka dinonsa yitinoti Pirezidaantitte; hasaawunni sainoha qarra rumushshunni buqqinse hunne kaimunni loosatenni albillicho daramino meento qaensara qolatenni, dhukansa dhaabbachishate; amanna anna hooggino qaaqquulle gamba assate; tiiu irko assate; diigaminoha gatamara ninkewiinni agarranni loosooti yite xawissino. Konnirano wo`ma woyte halamanna buusama hasiissannota ledde qummi assitino.
Abrahaam Saamueel
Bakkalcho Badheessa 1, 2014 M.D
