Afdeera:- Canchishaanchu HWHT jajjabba olu uduunninni kaa`lamatenni wirro horrate faninonsa olinni mine jajjansa agurte darantinota Affaarete qoqqowira zoone lame magaale woradi amuwi coyidhu.
Dukko Andiya Hammedinna dukko Kedijja Ibrahiimi yaamamanno geerri baxxinohunni Itophiyu pireesete uurrinshara xawissino garinni; cancishaano gaamo hedinokkinna agartinokki yannara hedeweelcho jajjabba olu uduunninni kaa`lamatenni wirro horrate fantino olinni jajjansa agurte daramate gadachantino.
Sa`u leyaa dirrarano mimmito kaa`latenni mitteenni heedhinota coyidhannori geerru; geedhimmansa diri geeshsha mininsanni daramate daafira hedde egentinokkita coyidhanno.
Xaa yannara garunni dirinsa me“ehoro afa hooggurono lamenti awura ikka dandiitinotanna mitte mittenti ontaa ale maatete miilla kalaqqinotano xawissano.
Megaale woradi komunikeeshiine borro mini sooreette dukko Daaru Bereketiti ise widoonni; kuri geerri qooxeessinsara egennammohu baxxinohunni seenne amaalatenninna seejjatenniiti.
Konninnino ale qooxeessu teessaano kuri geerrira jawu ayirrinyi noonsaha ikkasinni amaalensa macciishshanno; maassonsano hasi`ranno.
Konni gobbaannino dagoomitte heeshsho giddo mannu kaajje loosaranna woyyitino heeshsho heedhannonsa gede amaalatenni egennantinoreeti yitinoti sooreette; konninni may iillinonsaro dianfoommo. Konni daafira mootimma rake
wedellaho kaa`lo assituha ikkiro tenne diinna hunneemmo yiteno hexxose coyidhino. Geerru xawishshi garinni; Affaarete budinni mittu manchi baxxinohunni dirunni roorannosi manchira ayirrinyu noosi.
Kiphono ikkituro mannu mannunniwa giwamiha ikkiro mittu gari uduunninni ikkiro ikkinnina kaayyo afi`rummo yee manna gawajja saalaho. Lawishshaho olu uduunne qodhinohunna dulla amadino lamu manni giwamiha ikkiro olu uduunne amadino manchi olu uduunne amadoommo yee dulla amadinoha gana didandaanno.
Dandiiro olu uduunne wore dullunni sharramanno; ikka hoogiro kayinni badhe higanno. Kuri kayinni xaa yannara Affaare gantinohu hedeweelcho angansa aana noo jajjabba olu uduunninniiti.
Kunino ninke budinni lowo geeshsha saalaho. Jajjabba olu uduunninni manna togo assinannita kaaliiqino dibaxanno; kayinni insa Affaarete dagaha goowa heeshshi assateeti togo assitannohu; Affaare kayinni xaano ikkiro umose gargadhate badhe dihigganno yitino.
Dukko Andiya“o yitanno garinni; tini cancishaano amanyootinsa bainchoho. Afidhu jajja baala mulqitanno; seenne siattanno; geerra shollishshanno; xaphooma ninke togoo daniha bunshete looso kunni albaanni la`ne diegenninoommo.
Ninke qooxeessinkera batinyunni saada ce“atenniiti hee`noommohu. Xa kayinni kuri bushuuddu mannooti dagge saadanke mulqitunke. Konninni sa“eno minenke baala hunneeti fulloommohu.
Mittoreno amandummokkinniiti fulloommohu. Ninke fooliishshi`neemmo dirrinni daramaano ikkine kaa`lo agadhanke lowo geeshsha mararsitanno.
Togo assitunke diinnara kaaliiqi loosinsata oonsa yaatenni aarante coyidhino Ninke kuri juntooti hedeweelcho jajjabba olu uduunninni gantinonkehuraati ikkinnina Affaarete wedelli insara diajjanno yitannori geerru; wedella agurranna ninke geerruno insa uurrisa dandiineemmo. Xa ayirrinonkehu jajjabba olu uduunne amaddinohura callaati yitino.
Abbebech Maatewoos
Bakkalcho Ammajje 10, 2014 M.D
