Addis Ababa:- Quchumu gashshooti teessaano owaatate quchumu gashshooti eino sheemaati garinni hanafantino loossano murci’ne loosatenni gumulate loonsanni hee’noonnita Addis Ababu quchumi gashshooti miseessu kantiiwi deerrinni quchumu loosu harisaanchi kalaa Xiraatu Beyyenehu egensiisi.
Quchumu gashshooti deerrinni hasiisannoha safote latishshano ikko duuchu ragi loossa garunni gumulatenni dagooma beeqqaanonna horaameeyye assate illachinshe loonsanni hee’noonniha ikkanna; dagoomuno agarranninsa qeecha fultanni afantannotano coyi’rino. Kalaa Xiraatu baxxinohunni Itophiyu pireesete uurrinsha ledo assino keeshshonni xawisino garinni; Addis Ababu quchumi dagoomi quchumu gashshooti latishshu, dagoomittenna poletiku handaarranni loosanno loossara jawa hale ikkasinni galatasi shiqishino. Hiikko garinnino dagooma owaata kaayyote yinohu loosu harinsaanchi; wolu garinnino la’niro jawa annimma fulate yino.
Teessaanono hiittenneno quchumu giddo loonsanni latishshunna danchu gashshooti loossa yannara quchumu gashshooti waatira quchumu gashshooti waatira ikkite kaa’litankera hasiisanno yaanni qummeessino.
Baxxinohunni quchumu keerinna ga’labbo agarantanno gede dagoomu qeechi jawaho yee; quchumu dagoomi qooxeessinsa keerenna ga’labbo uminsanni agarate assitinohu danchu lawishshi wolootta quchummarano hala’la hasiissannotano hattonni.
Quchumu dagoomi qooxeessu keerenna ga’labbo agarate assino kakkaooshshi bikkinni seeri-male assootubba gargarate ragaannino quchumu gashshootinna ga’labbote bissa ledo halame loosara agarranni yino.
Keeraanchimma agarate loosino mittimmanke agarsiisino garinni ikka hasiissannotanna hanafantinoti babbaxxitino pirojektuwa harancho yanna giddo gooffannota ikka hooggara dandiitannohurano dagoomu cincatenni agaranno gede amadisiise sokkasi saysino.
Quchumaho harinsanni hee’noonni latishshi, danchu gashshooti hattono keerenna ga’labbo agarsiisate loossara dagoomu irko lowontanni hasiissannonke yinohu kalaa Xiraatu; quchumu teessaano albinte gede irkonsa kaajjishshe suffara hasiissanno yino.
Xaa geeshsha afi’noonni keerinna duuchu handaari gummara hattono sa’u muli barruwa giddo harinsoonnihu 35ki Afriku Mittimma massagaano songo Addis Ababu quchumira harinsi yannara songo keerunni gumulantanno gede teessaano assitino halammerano dagoomaho galatasi shiqishino.
Yaareed Geetaachew
Bakkalcho Ammajje 3, 2014 M.D
