Addis Ababa:- IFDR Xaphoomu ministirchi Dr Abiy Ahmedihu roduuwu Afriku qansooti tenne qarru yannara Itophiyu waatira uurratenni assitino halammera galatasi shiqishino.
Tayxe 35ki yannara harinsoonnihu Afriku Mittimma masaagano songora leelle assino hasaawinni sai dirira Afrikaho baxxinohunni jiffa batidhino yannaatinkanni.
Itophiyuno sai dirira xaaddinose jifo qarunni giddoydite yinohu Xaphoomu ministirchi; kunino giddoydi qarrubba tirate seeru aliidimma agarsiisate loosooti yino.
A m a d i s i i s a m i n o h u n n i n o gobbaydi wolquwa Itophiyu aana babbaxxitino xiiwo kalaqate
babbaxxitino xiiwo kalaqate goxxukkinni galte sharrantinotano qummi assino.
Tenne harinshonnino gobbaydi tuqu xaadooshshuwa gobbanke su’ma hunatenna kaphunni dudubbanni kalqoomu dagooma ammanchiishate assitino qeechi jawaho yee; Afriku umisi huuro kalqoomu deerrinni lossi’ra noosi yino.
Baxxinohunni Afriku qooxeessi gobbaanni noori tuqu xaadooshshuwa Afriku su’ma hunatenni qorophitara hasiisannotano huwachishino. Konnira kayinni Afriku qansooti mittimmatenni ikkite uurra noonsatano coyi’rino.
Afriku ga’labbote amaale mini giddo lame uurrinshunna onte soorrote miilla heedhasira hasiisannotano amadisiise qummi assino.
Itophiyu aana harinsanni xiiwo giddonni mitto ikkinohu Itophiya martinoonte yinanni gaadootinkanni yinohu Xaphoomu ministirchi; kuni gaadi gara ikkinokkitano Diyaasporu miillanni; xa kayinni Afriku roduuwinni seekkine kalqete leellinshoonni yino.
Amsaalu Felleqe
Bakkalcho Ammajje 3, 2014 M.D
