Addis Ababa;- Mootimma shiilote jiro laashshate handaarinni gobbate giddo dureeyye hala’ladunni beeqqaano ikkitanno gede assitanni noo millimillo gobbate miinja wiinamunni lossatenna qansootu heeshsho woyyaabbanno gede assate kaa’lannota xawinsi.
Shiilote ministere ministir Dieeti Miiliyon Maatewosihu Itophiyu pireesete uurinshara xawisanni; gobbate duuchu ragi lopho dagganno gede hasi’niro gobba nooseha kalaqamu jiro garunni horote aana hosiisanna qansootu horaameeyye assa agarranni yino.
Gobbate giddo dureeyyeno shiilote jiro laashshate handaarinni bobbakkanno gede mootimma assitanni noo millimillono jawaachinshannite yinohu kalaa Miiliyoni; shiilote jiro laashshate fajjo uynanni garino muishshunna bainchu assooti nookkiha xawadimmatenni ikkinota xawisino.
Ikkollana kuni handaari xaalla hananfanni hee’noonniha ikkasinni fajjo uyinanni garino balaxe ministirootu amaale mine shiqe buuxo assineenna kaajji gedensaanni ikkinohura albi gede mooraho kaayyo kalaqannokkiha ikkasi huwachishino.
Shiilote ministere muli yanna giddo diqillote kinchi shiilo laashshitannori honse dureeyyera laashshate fajjo uynoonnitano xawinsoonni.
Amsaalu Felleqe
Bakkalcho Arfaasa 26, 2014 M.D Hamuse
