Addis Ababa;- Diyaasporu miilla Sidaamu qoqqowira agarranni garinni e’inota Sidaamu dagoomu qoqqowi mootimma pirezidaante borro mini Diyaasporu latishshi, beeqqonna pirotokolete hajubba sooreessi Kalaa Zennebe Dalkatohu xawisino.
Diyaasporu miilla garunni haa’ne koyinsanni hee’noonniha ikkanna qoqqowu giddo babbaxxitino daa’’attote base towaatte daa’’attannonna pirojektuwanna latishshu loossano towaanyo assite la’anno gede assinoonniha ikkanna; qoqqowu pirezidaantichi massagonni gutu hasaawi
ba’reno harinsoonni. Assinoonni hasaawinnino qoqqowu mootimma Diyaasporu miilla ledo halante loosate sumuu yinoonniha ikkanna; shiilote latishshi handaarinnino bobbakke latissanno gede fajjinoonnitano kalaa Zennebe lede coyi’rino.
Diyaasporu miillano investimentetenna turizimete handaarra latishshinni bobbahate hasidhanota xawisseenna qoqqowu pirezidaantichinni dawaro afidhinotanna doodhitino handaarranni yannaasincho hayyonna tekinoloje horonsidhe latissannonna qoqqowonna gobbankeno horaameeyye assate annimmatenni loossanno gede assinoonnitano xawisino.
Wosinna danchummate loosinni 200 Wilchere, 150 firaashe, 200 Kiraanche qoqqowoho afantanno hospitaallara aatenna Daraaru woradirano mitto 1ki—6ki kifile geeshsha rosiinsanni rosu mine minate qaale e’inotano kulino.
Qoqqowoho babbaxxitino woraddara towaatatenni loosantanni noo pirojektuwanna la’inori Diyaasporu miilla latishsha callano ikkikkinni gobbate deerrinni kalaqamanno qarrirano mala kalaqqannore ikka hasiissannonsatano qoqqowu pirezidaantichi kalaa Desta Ledamohunni sokka sayinsoonnitano kalaa Zennebe xawishshinni huwata dandiinoonni.
Yaareed Geetaachew
Bakkalcho Arfaasa 19/ 2014 M.D
