Addis Ababa:- Moolle kalaqantannokki gede sufino garinni gargadhate gammoojjite qooxeessuwara coramanno waanna horonsi’ra woyyeessate hanafoommota aja kofattubba ijaarshi pirojekitubba rakkanno gede assineemmo yaanni Xaphoomu Ministirch Abiy Ahmedihu xawisi.
Xaphoomu ministirchi Abiy Ahmed dagoomitte mashalaqqe qoolisi aana saysino sokkanni; Soomaalete qoqqowira moolletenni ganantino daramaanora kaa`lo assinanni haammatu dagoomi afamannowi mereerinni mitto ikkinoha Qebribeyya Maakisanyote soodo towaatinota xawisino.
Konninnino yannate geeshsha waa shiqishshanno kaameella, sagale, saadate sagalenna lowonta hasiissanno xagga shiqisho lossineemmo yino.
Moolle kalaqantannokki gede sufino garinni gargadhate gammoojjite qooxeessuwara coramanno waanna horons’rate gara woyyeessate hananfoonni manaadda kofattubba ijaarshi pirojekitubba wiinamunni loosantannotano egensiisino.
Abbebech Maatewoos
Bakkalcho Arfaasa 19/2014 M.D
