Addis Ababa:- Minstirootu Amaale Mini techo barra harisino layinki wiinamu songo aana gobbate tii`iranna wolambinateho danqara ikkitino jaddo gargarate fulinoha wiinamu lallawi kiiro 5/2014 kayinsanni yanna lainohunni shiqqino gumulote hedo aana torbe gumulo saaysino.
Cancishaano gaamonna ledonsari gobbanke wolambinatinna tii”i aana jawa ikkinoha qarra kalaqqinoha ikkanna, konne qarranna jaddo ga`labbote bissanni woy olantonni calla gargarate dandiinannikkiha ikkino daafira Minstirooti Amaalete Mini Birra 23,2014 M.
Diro wiinamu yanna lallawi kiiro 5/2014 M.D lallawinoha ikkanna, konne lallawa Dagate Riqiwano Amaale Minira shiqeenna lallawu kiironni 1264/2014 M.Diro kaajjisheenna loosu aana nooti anfoonnite.
Ikkollana, wiinamu yanna lallawa fushshate gadado ikkino qarri xaa yannara soorraminoha ikkinohuranna konni ka`a noo yaaddo xa noo ga`labbote bissanninna olantonni gargaratenna qorqorate dandiinanni deerri aana illinoonni daafo lewu aganira yine fushshinoonni wiinamu yanna lallawi gumulishu yanna ajishate
hasiissanoha ikke leellino. Konnira, lallawu kiironni 1264/2014 M.Diro quwa 11(2) gumulloonni kaiminni, Dagate Riqiwaano Amaale Mini lewu/6/ agani gawalo jeeffara albaanni, wiinamu yanna lallawa lallawate korkaata ikkitino hajo aana soorro dagguronna xa noo ga`labbote bissanninna olantonni gargara dandiinannita ammanniro, lewu agani yanna jeeffukinni kawaanni yanna ajishate biiloonyi noosiha ikkino daafira, lallawu gumulshi yanna gattanno gede assate xa`mitanno gumulote hedo shiqqeenna gumulote hedo aana Ministirootu Amaale Mini seeda yannara
hasaawe kaajjishshe Dagate Riqiwaano Amaale Minira saayinsanni gede gumulino.
Abrahaam Saamueel
Bakkalcho Arfaasa 19/2014 M.D
