Gobbate deerrinni assinanni amaalenni gobbanke jifotenni fushshine bayira gobba assineemmose yee Sidaamu Dagoomu Qoqqowu Mootimma Pirezidaantichi Kalaa Desta Ledamohu coyi`ri.
Gobbanke Itophiyu bayira gobbaati yinohu pirezidaantichu; hundi busullese yannitte busullera xintanna lawishshaho yeeno xawisino.
Ikkollana kayinni babbaxxitino yannara addi addi jifo xaaddanni bayirroonyese jiffeenna wolaphite heedhanno gobba borojjimmatenni galtanno gede assate wo’naaltanni keeshshitinotanna xaano tini hedo noota huwachishino.
Jifo daggu kiiro gobboomu mittimmanke kaajitanno gedenna bayirroonyese agarreemmo gede assitannonke yee tenne; jifo qeelate gobboomu deerrinni amaalama hasiissannota ikkase xawisino.
Bayira ikkitino gobbanke wirro bayira assineemmose yinohu kalaa desta ledamohu; bayirroonyeseno buuxisiinseemmo yee coyi`rino.
Abbebech Maatewoos
Bakkalcho Arfaasa 19/2014 M.D
