Yaareed Geetaachew
Bareendetenni qeelle amaddino olantote miillara uynoonniti ba’lattote lophonna baraarshi ga’labbote wolqara hale ikkitino daga fultino qeechira afansha uynoha ikkasi IFDR Olu Wolquwa Xapoomu Itaamaazhoor Shuume Fild Marshal Birhaanu Juulihu coy’ri.
Gobba ayirrinye agartannori gargarooshshu olanto aana hasiisannokki garinni kaphunni duduwisiissanno wolquwano assootinsanni qorophitanno gede huwachishino.
Fild Maarshaal Birhaanu Juulihu lede xawisanni, gobbate gargarooshshu olanto wollotu ga’labbote bissa ledo qinaawatenni Itophiyu tii”i aana ubbanni noo dano gargaratenni naaxxissanno qeelle loossino.
Olanto gatamarantinohu kaajjado dagoomu safonni ikkansanni hattono bilchaata massagonni diina barbadeessite qeelle amaddinotano qaagiissino.
Cancishaanchu HWHT gaamo gobbaydi diinna ledo ikkatenni “Itophiya diingeemmo” yite ka”ansanni olantotenna hale ikkitino Itophiyu daganke aana luphiima gaabbo kalaqqinotano Fild Maarshaal Birhaanu lede xawisino.
Bakkalcho Arfaasa 5 / 2014
