Amsaalu Felleqe
Addis Ababa:- Xaphoomu Ministirchi Dr Abiy Ahmedihunna Miseessu Ministirchinna Gobbaydi Hajo Ministirchi Demmeqe Mekonninihu wolootu federaalete loosu minna ministirooti ledo ikkatenni Abbayi haaroo’mate kofo ijaarshi xaa yannara iillino deerra towaanyo assitu.
Itophiyu aana giddoydinna gobbaydi dhaggete diina qinaawatenni kaajjado xiiwo kalaqqanni noo yannara Abbayi haaroo’mate kofo ijaarshi loosi gufi’rikkinni wiinamunni loosamanni afamanno.
Xaa yannarano haaroo’mate kofoti lame yunite muli barri giddo caabbichu wolqa burqisate qixxaabbinotano xawinsoonni.
Itophiyu jiffa batidhino yanna qeelte sa’’ate dandiitanno dhuki noose gobba ikkitinotanna qarrubba kaayyote widira soorra dandiitannota ikkaseno leellishanno yinoonni.
Duuchante ministere loosu minna 100 barruwa loossate mixo gumulshi keenono Xaphoomu Ministirchi Dr Abiy Ahmedihu leellinowa Abbayi haaroo’mate kofo afantannowa Gubaho harinsanni hee’noonnitano afate dandiinoonni.
Bakkalcho Sadaasa 28/ 2014
