Abrahaam Saamueel
Addis Ababa: RT odeesaancho Debire Birhaanete hospitaalera basete leelte HWHT Cancishaano gaamo qodhaasinenni loonsoonni barshenna hilo, Manchu beetti loossannokki looso, gadadisse meento siyattino gedenna wole mannihiimmate qoosso kiso iillitino daga baalante jaddo basete heedhe kalqete dagoomira odeessite xawo assite leellishshino.
Debire Birhaanete xaphoomu Hospitaale Meedikaale Daayrekterichi Daagim Shiimellash odeessaanchote kulanni, gadadinse siimu xaadooshshe assinoonnire 25 amuwa hoospiitaale haadhe xagissino.
Konni meenti giddo tonnu xaa geeshsha xagisi`ranni afamannotanna insa mereero 80 diri geercho ama noota xawisino.
80 diri geercho ama, odeesaanchote, HWHT qodhaasine hiitto ikkite minisera e`inoronna gadadisse siyattinose gara xawissino. Hasaabbanni “Hashsha tunsote shoole saatera dagge waalcho`ya gangantu; waalcho fanammansara xa`mitue; waalcho faneemma woyte tuntu`motenni ganie; uwumma; gadadise meentimma’ya siyatie; urde amadinoho haaro manchooti. Ane aana barshenna hilo loose ha`rinota dihaweemma” yitino.
Wole kayinni, hospiitaalete xagisidhanni nooti ama shoole qodhaasine gadadisse bado bado siyattinoseta xawissino.
Odeesaancho, HWHT qodhaasine Shewa Roobiitira e`e hallanyu minna horritenna hiiqqaqqite hadhino gara basete leelte misiletenni irkisse odeessitino.
Bakkalcho Sadaasa 21 / 2014
