Yaareed Geetaachew
Addis Ababa: Itophiyu moyese madaartanni no yaanni gobbate gargarooshshu olanto dagate xaadooshshi daayrektere koloneel Geetinnet Adaanehu coy’ri.
Gobbate gargarooshshu olanto dagate xaadooshshi daayrektere koloneel Geetinnet Adaanehu, Itophiyu furga’ino qaaqqo hanqaffanni moye madaartanni no yaanni coy’rino
Gobbanke Itophiya xa soorranni hee’noonni. Soorranni wooyte mito widoonni illoonniha hanqafa wole widoonni moye madaara rosantinote. Meyaa beetto soorranni wooyte moolino sammichira buuro buurranni. Xurino bisi hee’riro hayishshinanni; Itophiyu xa noo halaali konni ledo lawanno yaanni huwachishino.
Ama iltanno wooyte co’o yiikkinni sa’’annori hee’rannokki gede qoropho assinanni. Konni gobbaanni callattannokki gede agarooshshe assinasera hasiisanno. Gobbankeno konni garinni soorrannise yanna aana afantannona ilaancho ama gede irkonna awuuta hasiisannose.
Ama soorrannise yannara kaajjadonna uurrite hadhanno gede irkinsasera. hasidhanno. Gobbankeno hattonni jifote yanna sa’e hadhanno gede kaa’lo hasidhanno. Loosunni leellinonte gede bareedda oososenni xaaddinose jifo baala qeeltanni kawira iillitinotano xawisino.
Konni gedensaanni olantno gobbate qaccenna danna bareendetenni ayirrisiissanni suffannono yiino.
Gargarooshshu olanto ledo ikkatenni Itophiyunnita moye madaarreemmo; tekinooloojetenni umonke lossinanni sunfeemmo. Gargartono bareedda oosose amadde fultannokki ilaali sa’annokki godi di hee’ranno. Itophiyu jifantino olu xaado baala qeeltanno yiino koloneel Geetinnet Adaanehu.
Bakkalcho Sadaasa 21 / 2014
