Yaareed Geetaachew
Xaphoomu Ministeerchi Abiy Ahimed (Dr.) woshshattonni gobbansa dagganno diyaasipoooroota “Daawoe bushshu” yaatenni baxillunna shooshanqetenni quchuma biifinoha assine adhate qixaamboonnita Hawaasi Quchumi Gashshaati mootimmate xaadooshshi biddishshi sooreessi Kalaa Melkaamu Tafarrihu xawisi.
Gannu ayyaana ayirrisate dagganno Diyaasipoorootira fooliishshotenna boohaarrete ikkitanno addi addi injoo biddi assinoonnita xawisinohu kalaa Melkaamu; Sidaamu daga wosinchoho uytanno base luphiima ikkasenni “Daawoe bushshu” budinkenni qixxaambe agadhinoommo yiino.
Hawaasi kalqoomu Horophilu fooliishsho basenni kayse quchumu geeshsha injo kalanqe wosinnu fooliishshidhe higganno gede calla ikkikkinni, quchuma investimentete doodhitannoha assate duuchuri injiinoha ikkasi xawisinohu sooreessu; Baxillu quchuma hawalle keere daggini yaatenni balaxotenni dancha hexxosi xawisino.
Diyaasipoorootu gobbaydi gobbuwa Itophiyu aana assitanni noo xiiwo manni gobbara hee’noommo yite bidhattukkinni assitino “NoMore” gaadi naaxisannohonna kalqe Itophiyu mayimma affanno gede assinoho yinohu kalaa Melkaamu; Gobbansa e’anno wote iibbadu koyishshinni adhate gadachammeemmo yiino.
Gobba diinu soossoore amadino yannara “hee’noommo’ne” yite dagganno diyaasipoorooti mittimmanna halimmansa kalqete hiittenne yannannino roore xawisannoha ikkasino buuxisino.
Hawaasi quchumi keerunnino ikko biinfillunni Turistootaho injiinoha ikkasinna bidhachishannori nookkita amadisiise kayse “dawooe bushshu” yaanni sokkasi saysino.
Bakkalcho Sadaasa 14 / 2014
