Amsaalu Feleqqe
‘’Noommo Manni’yara’’ yaanno massagote qaalinni Itophiyu Pireesete Uurrinsha loosaasine Gobbate gargarooshshu olantora irko assitino.
Amanyootu aana leellinohu Itophiyu Pireesete Uurrinsha qaru loosu gumulsiisaanchi kalaa Geetinnet Taaddesehu xawisanni; Itophiyu Pireesete Uurrinsha loosaasine odeessaano olu base geeshsha soyaatenni dhagge maareekkisiissanni afantannota coyi’rino.
Odeessaano olu base geeshsha soyaatenni calla assinanni irko di-ikkadote yinohu qaru loosu gumulsiisaanchi; Itophiyu pireesete uurrinsha loosu massago miilla, maaneejimentete miillanna loosaasine hasaabbe gumultino garinni 3 bixxille 6 miiliyone ale ikkannoha woxunninna danunni ieko assitinoommo yino.
Xa assinoonni irko ikkado ikkitinokkihura aantetenni uurrinshu loosinkenni ledo irko kaajjinshe sufinseemmo yino.
Olu korkaatinni gawajjantinore Amaarunna Affaarete qoqqowubba ikkado irko assineenna wiinamunni wirro gatamarate loosi loosama noosi yaanni xawisino.
Gargarooshshu olantonni irko gamba assitanno komite miili Koloneel Shuuma Obsahu irko angara haa’ri yannara xawisino garinni; Itophiyu pireesete uurrinsha odeessaano olu base geeshsha soyaatenni assitanni noo irkora ledoteno kageeshshiha woxu irko assase luphiima irkooti yino.
Irkote amanyooti aana Itophiyu pireesete uurrinshanna Gargarooshshu olanto luphiima massagaano leeltino.
Bakkalcho Sadaasa 14 / 2014
